Latifalar

Tushkun bemor vrachdan so'rabdi:
— Doktor, nega tahlil natijalarim bunchalik yomon?
— Siz ular uchun qancha pul to'lagan edingiz?
— 50 ming so'm.
— Yaxshi natijali tahlillar bizda qimmat turadi!

— Nima uchun barcha Amerika fil'mlariga albatta qora tanlilar aralashishi kerak?
— Ularsiz fil'm rangli chiqmaydi-da.

Ikki o'rtoq do'stini uyiga mehmonga borishibdi. Uy eshigini yoniga etib kelgach, yigitlardan biri eshikni oyog'i bilan tepib taqqillatibdi.
Yonidagi do'sti hayron bo'lib:
— Nega eshikni oyog'ing bilan taqqillatyapsan? - deb so'rasa, do'sti:
— Mezbon bizni qo'limiz band ekan deb o'ylasin. Aks holda u bizni quruq qo'l bilan uyiga kirgazmaydi, - degan ekan.

Bir kuni hayvonlarni armiyaga olib ketayotishsa, ayiqni borgisi kelmasdan quyondan maslahat so'rabdi.
Quyon:
— Meni ikkita tishim borligiga armiyaga olishmadi. Seniyam faqat ikkita tishingni qoldirsak, seniyam olib ketishmaydi, - deb ayiqni tishlarini sindiribdi.
Bir payt ayiq ko'rikdan jahl bilan chiqib kelib:
— Quyon qani?! Oyog'im qiyshiq ekan-u, u bo'lsa tishlarimni sindirib o'tiribdi, - dermish.

Bir ayolni hamkasb erkak uchrashuvga taklif qilsa, ayol unga qarab debdi:
— Nimalar deyapsiz?! Meni ertaga uchrashuvga taklif qilyapsizmi?! Turmushga chiqgan ayolman-ku axir!
Hamkasbi unga:
— Unda bugun taklif qilsam-chi? – dermish.

Yigit do'stidan so'rabdi:
— Seni katta opang stomatolog bo'lib ishlaydimi?
— Ha, u stomatolog.
— Nega u bu kasbni tanlagan?
— Chunki opamga erkaklar og'zini, ko'zlarini katta ochib unga qarab turishlari juda yoqadi!

Tushida baqirib-chaqirayotgan erini xotini uyg'otib:
— Nima bo'ldi adasi? Nega baqiryapsiz? – desa, eri:
— Malohat cho'kib ketyapti!
— Qanaqa Malohat??? – so'radi xotinini jahli chiqib.
— E, sen uni tanimaysan! U bilan tushimda tanishganman.

Qari qassobning ikki o'g'li bor ekan. Qaerda urush-janjal, qaerda o'g'irlik, bezorilik bo'lsa aka-ukalarni qo'li bo'lar ekan.
Har qancha urinsa ham, o'g'illarini tarbiya qilolmagan otasi qishloq qozisiga murojaat qilibdi. Qozi ularni chaqirib kelishni buyuribdi. Ota ikki o'g'lini olib qozi huzuriga kelibdi.
Qozi katta o'g'ilni chaqirib "Uyat qani?", - deb so'rabdi. Aka jim turaveribdi. Qozi: "Senga uyat qayoqda deyabman", - debdi. Yana jim turaveribdi.
Jahli chiqqan imom "Hoy bola, uyat qani deyabman" deb baqiribdi.
Shunda aka-uka turib qochishibdi.
Ukasi:
— Aka nima bo'ldi, nega qochdik? - deb so'rasa.
Akasi:
— Uka, qoch, qozining uyatini kesib ketishibdi, bizdan ko'ryapti, - degan ekan.

— Nimaga bu erga qalampir ekmaysiz?
— Chunki o'smaydi.
— Nega qalampir o'smaydi?
— Chunki ekmaymiz-da...

— Ishxonangizdagi rahbarga munosabatingiz qanday?
— Xuddi xotinimga o'xshash. Rahbarimiz ozgina yoqadi,ozgina qo'rqaman va birozgina boshqasi bo'lishini istayman...

<< < 295 296 297 298 299 300 301 > >>

Tavsiya qilamiz

Bosh sahifa