Latifalar

Bir yigitga ko'chada mayda pul zarur bo'lib qolibdi.
Cho'ntagiga qo'l solsa, 50 ming so'mlik chiqibdi. Atrofda hech kim yo'q, faqat yo'l chetida GAI xodimi turgan ekan.
— Kechirasiz, shuni maydalab bera olmaysizmi?! - debdi yigit pulni uzatib.
GAI xodimi pulga qarab turib:
— Uzr, o'zi hozirgina postga turdim. Hali pul yo'q, - dermish.

Ikki aka-uka uzoq masofani qay biri yaxshi ko'ra olishini sinash uchun bellashishibdi.
— Aka, hov anavi o'rmonning orqasidagi cho'lda bir chumoli ketayapti, - desa, akasi:
— Ha, ukajon. O'g'il bola chumoli degin, - dermish.

Bir kuni o'rmonda barcha hayvonlar bazm uyushtirib o'tirishsa, bir quyon xansirab kelib, "Joningdan umiding bo'lsa qochib qol!" debdi.
Hamma turib qocha boshlabdi. 2 km yugurishgandan keyin sher to'xtab:
— Men hayvonlar shohi bo'lsam, kim quvib kelayapti, - deb so'rasa, quyon:
— Erim uyga mast bo'lib keldi. Jahli juda chiqqan, - dermish.

Afandi kechasi ko'chada daydib yursa, qo'shnisi:
— Ha qo'shni, yarim kechasida nima qilib yuribsiz? - desa, afandi:
— Uyqim qochib ketdi. Shuni qidirib yuribman, - debdi.

Uch oy yo'l harakati qoidalarini yodlabman.
Ko'chaga mashina haydab chiqdim... Yo tavba... Undan ko'ra uch oy duolarni yodlasam bo'larkan!

Sms suhbati:
— Salom yaxshi qiz!
— Salom!
— Tanishsak bo'ladimi? Ismingiz nima?
— Menikimi? Shohida.
— Meniki esa bargida.

Bir erkak mashinasini hadeb artib, quchoqlab, ma'yus holda mashinani silab qo'yarmush
Buni qo'shnisi ko'rib:
— Ha qo'shni, mashinani sotimoqchimisiz deyman?! - desa, hali erkak:
— Yo'g'-e, xotinim haydovchilik guvohnomasi oldi, - dermish.

Bir yigit uylanib, to'y kuni kelinga debdi:
— Men erkak kishiman. Erkak kishi "ko'chani odami" bo'ladi. Shunday ekan men ko'chada ko'p bo'laman. Seni borliging men uchun ikkinchi darajali ish, tushundingmi? - desa, kelin:
— Ha tushundim! Endi men shu uyga kelin ekanman, qaynona-qaynotamga nabiralar tug'ib, ularni xursand qilishim kerak. Shunday ekan, menga ham sizni ko'chada ekanligingiz ikkinchi darajali ish, - dermish.

Yigit qizdan so'radi:
— Hozir qo'lingni ushlasam, nima qilasan?
— Bobomni chaqiraman.
— Kutilmaganda yuzingdan bo'sa olsam-chi?
— Bobomni chaqiraman.
— Nega endi «Bobomni chaqiraman», «Bobomni chaqiraman» deyaverasan?
— Chunki bobomning ikkala qulog'iyam kar.

Shifokor huzurida:
— Salom doktor! Biz keldik.
— Kechirasiz, siz bir o'zingiz-ku?!
— Men va mening kasalliklarim!

<< < 296 297 298 299 300 301 302 > >>

Tavsiya qilamiz

Bosh sahifa