Latifalar

— Qulog'im og'riyapti desam ko'zimga dori quyyapsizmi?
Doktor:
— Har bir kasallikning oldini olgan yaxshi. Agar men hozir dori quymasam, ertaga qulog'ingizning og'rig'i unga ham o'tib ketishi mumkin.

Bir yigit uyiga qo'ng'iroq qilsa, besh yoshli qizi olibdi:
— Oying qani?
Qizaloq:
— Tepadagi yotoqxonadalar. Bitta amaki bilan gaplashib o'tirishibdi, - debdi.
Yigitni rangi o'chib :
— Hoziroq tepaga chiqasanda, “Dadam keldilar!” deysan, keyin menga nima bo'lganini aytasan! - deb buyuribdi.
Oradan besh daqiqa o'tib qizaloq go'shakni olib:
— Allo! Dada! Oyim zinadan yugurib tushayotib xalatiga uralashib yiqilib, "Voy-voylab" yotibdilar. Haligi amaki ikkinchi etajdan o'zini hovuzga tashlab, suv yo'qligi uchun uxlab qoldi, - desa, yigit hayron bo'lib:
— Ie, uyimizda hovuz yo'q edi-yu?!
— Dada, o'zingiz qurdirdingiz-ku hovuzni... - debdi. Yigit battar ajablanib:
— Bu o'zi Eshmatovlar xonadonimi? - deb so'rasa, qizaloq:
— Yo'q, ularniki emas - debdi.
Yigit telefoniga terilgan raqamlarga bir qarabdi-da, jilmayib:
— Uzr qizaloq, adashibman, - degan ekan.

Sharbat siqib chiqarish bo'yicha musobaqa uyushtirilibdi.
Ishtirokchilar bir qo'li bilan apel'sindan kim ko'proq sharbat olishga bellasha boshlabdilar.
Birinchi ishtirokchi 100 gr. sharbat, ikkinchi ishtirokchi 200 gr. sharbat, uchinchisi esa 500 gr. sharbat siqib olibdi.
G'olib bo'lgan ishtirokchiga savol berishibdi. “Kasbingiz nima?” deyishsa, u “Soliq idorasi xodimiman” deb javob beribdi.

Barcha ayollar erkaklarni quloqlari bilan sevishadi, o'qlov bilan esa yomon ko'rishadi.

Qiz yaqinda tanishgan yigiti bilan kinoga tushib, kino tugagach, so'rabdi:
— Uyga nimada ketamiz?
— Nimada ketmoqchisiz?
— Anavi so'z nima edi? Malibumi, Molibumi?
— Metro deng, to'g'ri bo'ladi!

Tibbiyot institutida o'qituvchi talabalarga savol beryapti:
— Qaysi organlarda parazitlar ko'proq yashaydi?
Talaba javob beribdi:
— Davlat organlarida eng ko'p uchraydi...

O'rta yoshli, oilali yigitning hayollari:
“40 yoshga etganimda sariq Lambordjini haydashni orzu qilib quvonar edim... Mana, shu yoshga ham to'ldim. Hozir Korzinka ga kirib, oziq-ovqatlarning narxi yozilgan sariq rangdagi qog'ozchalarga qarab sevinchim ichimga sig'mayapti. Chegirmalar!!!”

Bir yaxshi chizadigan rassom devorga pivobarni rasmini chizib, oldida odamlar navbatda turganini chizib qo'yibdi. Bir mast kelib, ertalabgacha navbat kutib turibdi.

Er-xotin aylanib yurishsa, o'g'rilar chiqib qolishibdi.
— Eng qimmat narsangni ber! – debdi do'q urib o'g'rilardan biri.
— Dadasi, meni berib yuboraqoling... – debdi shoshib qolgan xotini.
— Jinnimisan!? Eng qimmat narsani deyapti, arzonini emas! – dermish eri.

Er xotiniga:
— Azizam meni quyoshim bo'lishni istaysanmi?
— Ha albatta!
— Unda mendan 150 million kilometr uzoqda yur!

<< < 305 306 307 308 309 310 311 > >>

Tavsiya qilamiz

Bosh sahifa