Latifalar

O'rmondagi hayvonlar zerikib, odamlarga o'xshab "Gap" eyishmoqchi bo'lishibdi.
Hamma yig'ilib, qura tashlashibdi. Birinchi bo'lib “Gap” boshlash sherxonga tushibdi. Keyingi navbat quyonga to'g'ri kelibdi.
Kelasi hafta shanba kuni sherxonni gapiga hammasi yig'ilishibdi. Sherxon ham sherligini qilib, har bir hayvonga 1 litrdan aroq quyibdi. Gap-gapga qo'shilib, rosa ichishibdi. Tun yarmiga borganda aroq tugab qolibdi. Bo'ri sherxonga qarab:
— Sherxon, gap-gapday bo'lsin. Yana biror litr topgin, - debdi.
Sherxon bo'lsa:
— Men-ku aroq topaman. Gazak yuq-ku!? - debdi.
Bo'ri:
— Olib kelaver! Gazakni toparmiz..., - debdi.
Sherxon yana 1 litr aroq olib kelibdi. Keyin nima bo'lib o'tganini eslay olmasmish.
Ertalab turishsa, quyon ko'rinmas emish. Hammasi quyon ularni uyg'otmay ketib qolgan deb o'ylashibdi.
Oradan 1 hafta o'tib, “Gap” berish navbati quyonga kelibdi. Quyonni uyiga
borib, eshigini taqillatishibdi. Eshikni quyonning xotini ochibdi.
Bo'ri:
— Ering qani? – desa, xotini:
— O'tgan hafta “Gap”ga ketgandi, qaytib kelmadi... – dermish.

Magazinda:
— Bitta qatiq berib yuborsangiz.
— Siz unga banka olib keldingizmi?
— Yo, tavba! U bilan gaplashasizmi hali?!

Hurmatli erkaklar! Xotiningiz bozorda qimmat ko'ylak kiyib olib, “Shuni olib berasiz!” deb turib olishsa, buni yo'li juda oddiy.
“Juda chiroyli ko'ylak ekan-ku, seni semiz qilib ko'rsatyapti” desangiz bas! Bir zumda bunday katta chiqimdan qutulasiz-qo'yasiz...

Elektron hujjat aylanishi ba'zi davlatlarda juda “samarali” ishlab kelmoqda.
Hujjat tayyorlanadi, imzolash uchun printerdan qog'ozga chiqariladi, imzo qo'yilganidan so'ng yana skanerlanadi, tegishli tashkilotga yuboriladi va ushbu tashkilotda hujjat yana printerdan chiqarilib, yorliq (fishka) bilan rahbarga kiritiladi. Rahbar ko'rsatmasi bilan qaytib chiqqan hujjat yana skanerdan o'tkazilib, papkaga tikiladi. Haqiqatdan ham hujjat “aylanishi” ...

Boy xizmatkori bilan sayohatga chiqishibdi.
Kech kirib, bir joyda to'xtashibdi-da, tunash uchun chodir tikishibdi. So'ng shu chodirga kirib uxlab qolishibdi. Tongga yaqin xizmatkor o'yg'onib, yotgan joyida xo'jayniga shunday debdi:
— Anavi osmonda ko'rinib turgan yulduzlar nimani anglatadi?
Boy:
— Shuni ham bilmaysanmi nodon!? Kun issiq, havo ochiq bo'lishini anglatadi, - desa, xizmatkor:
— Balki chodirimizni o'g'rilab ketganini bildirar...?! – degan ekan.

Ichmaydigan, uyim-joyim deydigan, mehnatkash, to'g'riso'z, vafodor erkaklar huddi humo qushiga o'xshaydi.
Hamma u haqida eshitadi, lekin hech kim uchratmaydi!

Yaqin dugonalar ko'rishib, kafeda o'tirishibdi. Keyin hamma ayollar o'zlarining eriga “Men sizni sevaman!” degan SMS yuborishmoqchi bo'lishibdi. Ularning yozgan SMSlariga erlarning javoblari “hayratlanarli” edi...
1. Kim bu?
2. Onasi, tinchlikmi???
3. To'g'risini ayt! Mashinani nima qilding?
4. Tushunmadim...
5. Nechi pul kerak yana?
6. Kimga yozganding bu smsni?!
7. Nima so'ramoqchi bo'lsang ham, javobim yo'q!
8. Yana dugonalaring bilan o'tiribsanmi ?!
9. ?
10. Tush ko'rayapmanmi?

Qizni otasi yigit bilan uchrashib, bolani xunukligini ko'rib debdi:
— E, qizimga hayronman. Seni nimang yoqdi ekan unga?!
Yigit:
— Plastik kartochkamni ko'rsatganim ma'qulmi yoki naqd puldami? – dermish.

Uchta yigit ko'ldan suzib o'tish bo'yicha musobaqa uyushtirishibdi.
Ikkita yigit ko'lning 5 dan 1 qismini suzib o'tib, charchab orqaga qaytibdi.
Uchinchi yigit ko'lni suzib ketayotib, ko'lning 5 dan 4 qismini o'tib, “E, charchadim. Uzoq ekan!” deb orqasiga qaytvaribdi.

Ikki qo'shni gaplashib o'tirishgan ekan:
— Nega sizni uyingizdan doim mushukni qattiq chinqirib miyovlashi eshitiladi?
— Men uni cho'miltiraman.
— Men ham o'zimni mushugimni cho'miltiraman. Lekin unaqa miyovlamaydi-ku!
— Siz uni suvini siqasizmi?

<< < 308 309 310 311 312 313 314 > >>

Tavsiya qilamiz

Bosh sahifa