Latifalar

— Bitta odam 109 yil umuman doktorga bormabdi.
— Ho'sh, keyin-chi?
— O'sha odam 110 ga kirib o'libdi... Ahmoq, shunaqa-yam qiladimi!?

Bir qiz dugonasiga:
— Bu ko'ylak qomatingga yarashmaydi. Sen to'lachadan kelgansan! – desa, dugonasi hafa bo'lib:
— Shuni yuzimga aytishing shartmidi?! – debdi.
Qiz bo'lsa:
— Voy uzr! Seni bundan xabaring yo'qmidi? – dermish.

Bir kuni Xo'ja Nasriddinga deyishibdi:
— Nasriddin, sizni xotiningiz aqldan ozibdi!
Xo'ja Nasriddin chuqur o'yga botibdi.
Undan so'rashibdi:
— Nimani bunchalik o'ylab qoldingiz?
Nasriddin:
— Xotinim o'zi tug'ilganida aqlsiz edi. Qanday qilib aqldan ozishi mumkin deb o'ylab qoldim, - degan ekan.

Men juda kamtarin odamman!
Bir uyum yuvilmagan idish-tovoqlar turganini ko'raman-u, ichimda “Bu idishlarni egasi men emasman!” deb indamasdan uyga kirib ketaveraman.

Bir erkak stomatolog xonasiga kiribdi.
Vrach:
— Kiring. Nima shikoyat? – deb bemorga qarasa bemor qo'rqqanidan qaltirayotganmush.
Narkozi qolmagan vrach bemorga bir piyola aroqni ichirib yuboribdi-da debdi:
— Ana endi hech narsadan qo'rqmaysiz. Gapiring, - desa, bemor:
— Qani endi birortang tishimga tegib ko'r-chi! – dermish.

Bir odam qari otaxondan so'rayotganmush:
— Qanday qilib shuncha uzoq umr ko'rgansiz?
Otaxon:
— Men umuman hech kim bilan tortishmayman.
— Bo'lishi mumkin emas!
Otaxon:
— Gapingiz mutlaqo to'g'ri!

Xotin eriga:
— Azizim, men semizmanmi?
Er:
— Onasi, hamma narsani yaxshi tarafini ko'rish kerak! Semiz bo'lsang yaxshi-ku, ochiq qolgan kanalizasiya quvurlariga tushib ketmaysan.

“Microsoft Word” dasturi familiyangiz ostiga qizil chiziq tortmay qo'ydimi, demak, siz chindan ham juda mashhursiz!

Bir odam “Korrupsiyaga qarshi kurash” bo'limiga kirib debdi:
— Menga korrupsiyani yo'q qilib bersangiz!
U erdagilar bo'lsa:
— Mayli. Qancha berasan? – degan ekan.

Bir kuni tepakal odam sartaroshxonaga kiribdi. Sartarosh sochni kaltalatib bo'lgach, ish haqqini 2 baravar qimmat aytibdi.
Jahli chiqqan mijoz:
— Nega buncha qimmat? Axir boshimda sochim juda ham kam-ku!? – desa, sartarosh:
— Hamma gap shunda-da! Bu kal boshingizdan sochni qidirib topish oson bo'ldi deysizmi menga!?

<< < 384 385 386 387 388 389 390 > >>

Tavsiya qilamiz

Bosh sahifa