Latifalar

— Do'stim, statusingni emas hayotingni o'zgartiradigan vaqt keldi!
— Zo'r gap aytding! Shoshmay tur, shuni statusimga qo'yib olay...

Institutda o'qituvchi talabaga qarab:
— Darsga yana tayyormasmiz deng!
— Ha, domlajon...
— Kechasi bilan televizor ko'rib chiqqanmiz demak...
— Shunaqa...
— Institutga ham hurmat yo'q deng!
— ...
— Davlatni pulini eb yotibmiz deng!
— Uzr domlajon. Sizni bilmadim-u, meni hali ota-onam boqyapti...

— Salom do'stim.
— Salom.
— Men kecha seni xotiningni avtobusda ko'rgandim. U menga shunaqa zo'r latifa aytib berdi, kulaverib sal qoldi divandan tushib ketishimga.

Haydovchilik guvohnomasini olishga imtihon ketmoqda:
— Ayting-chi, chorrahaning bir tarafida avtobus, bir tarafida yuk mashinasi, yana bir tarafida esa motosikl turibdi. Qaysi biri birinchi bo'lib chorrahani kesib o'tadi?
— Taksichilar kesib o'tadi.
— Nima? Taksi qaerdan kelib qoldi?
— Hech qaysi haydovchi bilolmayapti bu taksilar qaerdan kelib qolayotganini!

— Odiljon, sen kimning gapini ko'proq eshitasan, adangnimi yoki oyingnimi?
— Oyimni.
— Nega?
— Oyim ko'proq gapiradilar-da.

Ba'zi davlatlarda yashash qiyin emas, boylarni to'ydirish qiyin bo'lib qoldi...

Bir kuni bir ayol bolasini bog'chadan olib qolib, peshinda uxlatmoqchi bo'libdi.
— Oppoq bolam uxla, shirin bolam uxla, - desa, bolasi:
— Oyi, unaqa desangiz uxlamayman. Ko'zlaringni yum, yashamagur! deb meni ursangiz uxlayman, - debdi.

Bir odam ko'zi o'tkirligini maqtanmoqchi bo'lib:
— 25 metr naridagi daraxtda chumoli ketyapti, - desa, yonidagisi:
— Ha, o'g'il bola ekan, - dermish.

Bir kishi 7-qavatdagi uyida sigaret chekib bo'lib, axlat chelagi yoniga borishga erinib, qoldig'ini ochiq derazadan pastga uloqtirgan ekan, pastda turgan kichkina bolakay debdi:
— Amaki, bunaqa qilish mumkin emas. Bu yomon odat!
Bu gapni eshitgan kishi erinmasdan kiyimlarini kiyib, 7-qavatdan pastga zinadan tushib ketayotganmish “Bir ta'ziringni berib kelay sen bolani. Hali senmi menga aql o'rgatadigan”! deb.

Bilasizmi, nega ayollar odatda futbol o'ynamaydi? Chunki 11 ta ayol bir xil kiyimda bir joyda bo'la olmaydi.

<< < 382 383 384 385 386 387 388 > >>

Tavsiya qilamiz

Bosh sahifa