Latifalar

— Sen o'tirib chiqqanmisan?
— Ha, 11 yil.
— Qaerda?
— Maktabda.

Yaxshi er tongda uyqudan bitta hayol bilan uyg'onishi kerak:
"Xotinimni kiyishga ko'ylagi yo'q, meni uxlab yotishimni qara! Tezroq va ko'proq pul topib, uni xursand qilishim kerak. Odamlar aytmasin xotini yana o'sha avval kiygan ko'ylagini kiyibdi deb. Sharmanda bo'lamiz-a, sharmanda!"

Afandi eshigi oldidagi supachada talqon eb o'tirardi. Endi talqonni og'izga solaman deganda shamol esib, talqonni uchirib yuboribdi. Og'izga hech narsa tushmabdi. Shu holat 2-3 marta takrorlanibdi. Qo'shnisi devordan mo'ralab:
— Hoy qo'shni nima eyapsiz? – desa, afandi:
— Shamol to'xtamasa, hech narsa! – dermish.

Bolaligimizda kattalar bizga “Katta bo'lsang aytib beraman” deyishar edi.
Kimgadir biror narsani aytib berishdimi kattalar?

— Kim javob beradi? Tender nima?
— Tender bu – pora berish musobaqasi.
— To'g'ri o'tir! 6 baho. To'rtini o'zingga ol, ikkini o'zing bilasan nima qilishni...

Har kuni o'rmonda ayiq quyonni tutvolib do'pposlar ekan. Xullas, jonidan to'yib ketgan quyon sherni oldiga borib, ayiqni qilmishlaridan shikoyat qilibdi. Shunda sher farmon chiqazibdi. Unga ko'ra ayiq quyonni urmasligi to'g'risida tilxat yozib berishi kerak ekan. Ertasi kuni ayiq quyonni urgani kelayotsa, quyon farmonni ko'rsatibdi. Shunda ayiq:
— Bugun ham urib olay. Ertaga urmaslik haqida tilxat yozib beraman, - debdi. Ertasiga yana uribdi va indinga urmaslik haqida tilxat yozib beribdi.
Bir hafta o'tgandan keyin sher quyonni ko'rib qolib:
— Ayiq urmayaptimi endi? - deb so'rabdi.
Quyon:
— Eh, urishi o'sha-o'sha. Faqat qog'oz ko'payib ketdi, - dermish.

Bitta odam ishga naqd 1 soat kechikib kelibdi. Ishxonaga kiraverishda uni uchratgan rahbar tanbeh beribdi:
— Nega kech qoldingiz?
— Kechirasiz, 3-qavatdan yiqilib tushdim, - debdi haligi odam.
Rahbarni battar jahli chiqib:
— Nima, bir soat tushdingizmi pastga?! – dermish.

Suvenir-shunday narsaki, uni siz o'z shahringizda umuman xarid qilmagan bo'lar edingiz.

Maktab o'quvchisi ona tili ustozidan so'rabdi:
— Ustoz, o'zbek tiliga rus tilini aralashtirib gapirish mumkinmi?
Ustoz debdi:
— Konechno mumkin emas!

— O'g'lim, ertalabdan beri shu telefoningda nima qilyapsan?
— Mushugimni boqyapman.
— Nima? Qo'y-mi, mol-mi boqsang bo'lmaydimi?! Shu mushukni boqishdan boshqa ishing yo'qmi seni?!

<< < 402 403 404 405 406 407 408 > >>

Tavsiya qilamiz

Bosh sahifa