Latifalar

Kecha sotib olgan dorining yo'riqnomasini o'qidim:
“Salbiy ta'sirlari: ko'ngil aytishi, qayd qilish, bosh aylanishi, ... ketishi, uyqusizlik, asabiylashish, kuchli bosh og'rig'i, gastrit, hushdan ketish, ...
O'ylanib qoldim. Balki shu zormandani ichmasam ham shamollashim o'tib ketar-a!?”

Ikki burga suhbatlashmoqda:
— Ey o'rtoq, kal odamning boshida nima qilib yuribsan? Sochi bor odamni boshida mazza qilib yur!
— Men o'zi sochi bor odamni boshida yashayman. Bu erga faqat chang'i uchgani kelib turaman.

60-yillarda amerikaliklar kosmosda yozadigan ruchka yaratish uchun 1 million dollarga yaqin mablag' sarflashgan. Sovet kosmonavtlari esa kosmosda shunchaki qalamdan foydalanganlar.

Suzish bo'yicha musobaqa ketmoqda. Bir jamoaning ikki ishtirokchisi marra tomon suzib bormoqdalar:
— Suzib o'tolmaymiz shekilli.
— Suzib o'tamiz! 50 metr qoldi.
— Suzib o'tolmaymiz.
— Suzib o'tamiz! 30 metr qoldi.
— Yo'q! Aniq suzib o'tolmaymiz!
— 10 metr qoldi. Balki suzib o'tarmiz?! Ha, mayli orqaga qaytdik. Suzib o'tolmaydiganga o'xshaymiz...

Bir bolakayning otasi ichib kelibdi. U otasiga:⠀
— Dada, nega ichasiz? – desa, dadasi:⠀
— O'g'lim sen hali bunday narsalarni tushunmaysan. Katta bo'lsang ichasan.⠀
Oradan yillar o'tib o'g'li choyni ichib turib dadasiga qarab debdi:
— Dada, mana men ham ichdim.

Kuningni yaxshi o'tishi ob-havoga emas, yoningdagi insonlarga bog'liq.

Sen o'zingni ulg'ayganingni bilishing qiyin emas! Hamma narsani go'sht narxi bilan o'lchay boshladingmi, tamom!
— Yur, kinoga boramiz!
— Qo'ysang-chi! Ikki kilogram go'shtni pulini yo'q qilib kelamiz...
— Shashlikka boraylik...!

Vrach xonasiga kirib kelgan bemordan so'radi:
— Sizni nima bezovta qilyapti?
— Doktor, meni pulim yo'q ekani bezovta qilyapti, - debdi bemor.
— Qanday qilib yo'q narsa sizni bezovta qilishi mumkin? - degan ekan vrach.

— Hoy egachi, o'g'lingizni uylantiribsiz. Bunday chiroyli ham aqilli qizni qaerdan topdingiz?
— Voy o'rgilay... Institut darvozasi oldida tursam, bir to'da qizlar chiqib kelishyapti. Shunday oldiga borib, chiroylilar chapga, aqllilar o'ngga o'tsin dedim. Hammasi o'tdi. Faqat bitta qiz u tarafdan bu tarafga yugurib o'ta olmay turgan edi. Undan so'radim:
— Nega bir tarafga o'tmayapsan? – desam, u qiz:
— Bir o'zim har ikkala tarafga qanday o'ta olaman? – dedi. Keyin shu qizni kelin qildim.

Bemor va vrach:
— Kuniga uch mahal ichsangiz tuzalib ketasiz. Tushunarlimi?
— Dorini nomini aytmadingizku doktor!?
— Dorini nima aloqasi bor?

<< < 403 404 405 406 407 408 409 > >>

Tavsiya qilamiz

Bosh sahifa