Latifalar

— Dadasi, men uchun aqlga sig'maydigan qahramonlikka qodirmisiz?
— Albatta, xotinjon. Mana, uylandim-ku senga!

Bir qiz kursdosh dugonasiga gapirib beryapti:
— Kecha yigitim bilan aylanib yursak, uni avvalgi sevgan qizi uchratib qoldik. U qiz menga qarab “Mendan nimasi ortiqcha buni?” desa bo'ladimi!
Dugonasi qiziqib:
— Xo'sh? Sen nima deding? – so'rabdi.
— O'ylab o'tirmay yigitimni ko'rsatib “mana nimam ortiqcha” dedim.

Chol kampirga debdi:
— Kel kampir, bir-birimizga haqiqatni aytaylik! Menga necha bor xiyonat qilgansan?
Kampir:
— Oldin o'zingiz ayting, - debdi.
Shunda chol tomdan bir xalta mosh olib tushib debdi:
— Mana! Shuni ichida necha dona mosh bo'lsa, shuncha xiyonat qilganman.
— Endi sen ayt, - desa, kampir sandiqdan bir hovuch yong'oq olib cholni oldiga qo'yibdi. Keyin kampir choliga:
— Insofsiz ekansiz! Bir xalta mosh qanaqangi ko'p bo'lishini bilasizmi?! Shuncha martami? – desa,
— Yo'q. Meni do'konga mosh olib kelishga yuborganingda 3-4 haltasini olib chiqib senga bergandim, - degan ekan.

Qorboboga mazzada! Bir yilda 1 haftagina ishlaydi. qolgan vaqt dam oladi.

Buyurtmachi tayyor binoni qabul qilib olayotib 50 metr erga qazib qurilgan quduqni ko'rib qolibdi. Quduqni atrofini g'isht bilan o'rab, oxiriga katta chiroq ham o'rnatilgan emish.
— Bu nima? – deb so'rabdi prorabdan.
— Mana siz bergan loyiha chizmasi bo'yicha qurdik, - deb chizmani uzatibdi prorab.
Buyurtmachi chizma tushirilgan qog'ozni 180 graduska aylantirib:
— Axir bu 50 metrli minora edi-ku! – degan ekan.

Ofisda ikki og'ayni suhbatidan:
— Do'stim bilasanmi, kecha bekatda shunaqangi chiroyli qiz o'tirgan ekan...! Gap otmoqchi bo'lib yoniga borsam menga qarab nima qildi degin.
— Xo'sh, nima qildi?
— O'rnidan turib "O'tiring amaki" deb joy bersa bo'ladimi?!

— Doktor,chap oyog'im juda zirqirab og'riyapti.
— Yosh tufayli bo'lsa kerakda?!
— Ha, lekin o'ng oyog'im bilan tengdosh bo'lsayam og'rimayaptida...

Erkak do'stidan so'radi:
— Xotiningga 8 martda nima sovg'a qilding?
— Erkinlik sovg'a qildim, erkinlik!

Erning 8 mart kuni ayoliga aytayotgan so'zlariga:
Xohlaysanmi? Senga oyni sovg'a qilaman! Istasang yulduzlarni, quyoshni, sayyoralarni, dengiz-u daryolarni sovg'a qilaman!
So'rayver! Pul to'lanmaydigan hamma narsalarni so'rayver!

Bir er xotiniga 8 mart bayramiga uchta bir xil ichki kiyimlardan sovg'a qilsa, xotini sovg'alarni olib:
— Adasi, bu nima qilganingiz? Nega bularni hammasi bir xil? Ko'rganlar umuman almashtirmas ekan demaydimi?! - degan ekan.

<< < 406 407 408 409 410 411 412 > >>

Tavsiya qilamiz

Bosh sahifa