Latifalar

Piyodalar yo'lagidan o'tib ketayotgan piyodani mashina urib yuboribdi.
Mashinadan haydovchi hovliqib tushib:
— Baxtingiz bor ekan, men – vrachman! – desa, erda yotgan piyoda:
— Sizni baxtingiz yo'q ekan, men – yuristman! – dermish.

Bir odamni yoniga gadoy kelib pul so'rabdi:
— Akajon pul bering. Avtobusga ham pulim yo'q...
Haligi odam gadoyga pul bersa, gadoy pulni olib to'g'ri barga kirib ketibdi.
Ortidan kirib:
— Avtobusga pulim yo'q deding. Pul berdim. Nega aroq ichgani o'tirib olding? - desa, gadoy:
— Shu aroqni ichsam avtobusda ham tekinga ketaman-da aka. Sizni aldaganim yo'q, - debdi.

— Allo, bu milisiyami?
— Ha, navbatchilik qismi? Gapiring, eshitamiz.
— Bilasizmi, men o'z uyimda erimni jazmani bilan "ushlab oldim"!
— Bizlarga nima uchun qo'ng'iroq qilyapsiz?
— Erim va jazmanini bo'ynidan juda qattiq ushlab olganman shekilli, qimirlamay qolishdi.

Diqqat kasting!
Ozdiradigan dori reklamasi uchun egizaklar taklif etiladi.
Egizaklarning biri judayam semiz, ikkinchisi esa ozg'in bo'lishi shart!

Bir erkak ko'chada mast bo'lib o'tirsa, yonidan o'tib ketayotgan odam:
— Birodar, nega ko'chada o'tiribsan? - debdi.
Erkak:
— Uyga kiritmayapti-da, - debdi.
— Kim? Xotiningmi? - deb so'rabdi haligi odam.
— Yo'q! Xotindan himoyalanish instinktim kiritmayapti uyga, - degan ekan.

Er-xotin choy ichib o'tirishibdi.
Xotin:
— Bilasizmi, Afrikadagi ba'zi qabilalarda erlar o'z xotinlarini sotib yuborar ekan. Mabodo shunday odat bizda ham bo'lganida meni sotarmidingiz?
Er:
— Yo'q, men seni sovg'a qilib yuborardim!

Avtobusda ketayotgan ayolning yonidagi nabirasi kutilmagan savollarni bera boshlabdi:
— Buvijon, yoshingiz nechida?
Ayol atrofdagilardan xijolat bo'lib nabirasini chalg'itsa ham bolakay xiralik qilaveribdi:
— Yoshingiz nechida buvijon? Ayting. Mayli, birinchi raqamini ayting!
— Olti, - debdi ayol.
— Ikkinchi raqami-chi?
— Besh, - debdi ayol.
— Uchinchi raqami-chi? - debdi bolakay yana.

— Qiziq do'stim, Xitoy qanday qilib koronavirusdan qutuldi ekan-a?
— Ular pandemiyaga ham "bir oilaga 1 nafar farzand" degan shartni qo'yishdi.

Institutda guruh sardori talabalarga stipendiya tarqatmoqda:
— Azimov.
— Men.
— Mana stipendiya, ol.
— Botirov.
— Men.
— Mana seni stipendiya.
— ...
Shunaqa qilib familiyalarni o'qib kelaveribdi-da, oxiriga kelganda:
— Jami. Jami kim??? - desa, hech kim indamasmish.
— Yo'qmi jami? Essiz 3 million puli bor edi-da, - dermish.

Aql - pulga o'xshaydi.
Puling ko'paygani sari hamma seni aqlli sanay boshlaydi.

<< < 422 423 424 425 426 427 428 > >>

Tavsiya qilamiz

Bosh sahifa