Latifalar

Hozirgi zamonda 12 yoshga to'lgan qizlarni sobiq yigiti bor. O'sha qizlar sobiq yigiti uni butun yoshligini sarob qilgani haqida gapirib berishadi.

Bir yigit ofisdagi hamkasblariga:
— Men ertaga ishga kelmayman.
Hamkasblari:
— Nega?
Yigit:
— Hozircha bilmayman. Albatta biror bahona topaman.

Bir ayol ishga ketib, uyda qolgan eriga qo'ng'iroq qilibdi:
— Adasi, nima qilyapsiz? - deb so'rabdi.
Eri:
— Uydaman! Sen qiladigan ishni qilyapman... - debdi.
Xotini o'zicha xursand bo'lib, erim uylarni tozalab, ovqat qilib o'tirgan ekan, deb o'ylabdi. Kechqurun uyga kelib qarasa, eri divanda yalpayib o'tirib olgancha, serial ko'rayotgan ekan.

— Oylik maoshing kattami?
— Ha. Ko'p maosh olaman. Hamma soliqlarni to'lashimga etadi.

Ertalabki tig'iz paytida Gazel' mashinasiga 18 ta yo'lovchini emas, 48 ta yo'lovchini sig'dira olgan Abdusattor aka Ginnes rekordlar kitobiga kiritildi.

Xonama-xona qo'lida telefon bilan yugurib yurgan boladan onasi so'rabdi:
— O'g'lim nima qilyapsan?
Bola:
— Halal bermang oyijon! Jismoniy tarbiya fanidan oraliq nazoratni onlayn topshiryapman!

Maktabda o'qituvchi bolalarga:
— Aytinglarchi, bizga oy yaqinmi Amerikami?
— Oy yaqin!
— Qanaqasiga axir bolalar?!
— Oy bizga ko'rinib turadi. Amerika esa umuman ko'rinmaydi, uzoqda!

Qandolat sexidagi e'lon:
Qand kasali borlarni ishga qabul qilamiz.

Mashina yo'lida odamlar to'planib turishsa, o'tib ketayotgan kampir:
— Nima bo'ldi? - deb so'rabdi.
Shu erda turgan odam:
— Bir talabani mashina urib ketibdi, - debdi.
Kampir xotirjam turib debdi:
— Hayriyat-ey! Men odamni urib ketibdimi debman...

Bir kishi to'y qilmoqchi bo'lib, afandiga to'yga aytishni buyuribdi.
Afandi boyni uyiga borib, to'yga aytsa, boy:
— To'yga aytishga tuzukroq odam topilmadimi? - debdi.
Afandi boyga qarab turib:
— Tuzukroqlar tuzukroq odamlarnikiga aytishga ketdi-da boy ota, - degan ekan.

<< < 424 425 426 427 428 429 430 > >>

Tavsiya qilamiz

Bosh sahifa