Latifalar

Bir ayol dugonasiga:
— Voy dugon, ko'zinlaringga nima bo'ldi, qizarib ketibdi?
— Kecha qo'shnimiznikida janjal bo'layotgan edi. Men qulf tirqishidan qarab turuvdim, ichkaridan kimdir ko'zimga barmog'ini tiqib oldi.
— Unda ikkinchi ko'zing nimaga qizil?
— Ikkinchi ko'zim bilan kim barmog'ini tiqqanini ko'rmoqchi edim.

Yangi 2021 yil kirib kelishiga ham 4 oy sal ko'p vaqt qolyapti.
Ha..., rosa bu yil zo'r o'tdi-da!!

Bir odam mazza qilib uxlab yotgan ekan, xotini uni uyg'otib "Turing, uyqu doringizni ichib oling" degan ekan.

Insonga alam qiladigan narsa nima bilasizmi?
Bir akaxonga mehr qo'yib, doim yonida girdikapalak bo'lsang-u, kutilmaganda o'sha marazni egallab turgan lavozimidan bo'shatib yuborishsa.
Shunaqa alam qiladi...

— Ayolning erkakdan farqi qoldimi?
— Ha, qoldi.
— Nima?
— Ayol ona bo'lganini darrov biladi. Erkak esa bir umr bilmasligi mumkin.

Xotini ishdan kelsa, eri oshxonadan chiqib kelayotganmish:
— Onasi senga syurprizim bor! - debdi.
Xotini oshxonaga kirsa ovqatlar tayyor. Dasturxonlar bezatilgan ekan.
— Rahmat adasi. Bugun oilaviy dasturxon bezatib birga ovqatlanar ekanmiz-da, - deb xotini orqasiga o'girilsa, eri qo'lida bir shisha aroq bilan sekin ko'chaga chiqib ketayotganmish.

— Do'stim, muhimi sovg'a emas e'tibor!
— Mayli. Unda seni tug'ilgan kuningda faqat senga qarab yuraman.

Bir otaxon yosh yigitlarga:
— Chiroyli, ammo ochiq-sochiq kiyingan qizlarni ko'rsangiz, tavba deb teskari qaranglar, - nasihat qilib tursa, yigitlar hammasi birdaniga:
— Tavba, tavba! - deb yuborishibdi.
Otaxon bo'lsa:
— Qani? Qaerda? - debdi.

Rossiyadagi yirik boylardan biri Putin qabuliga kirib:
— Vladimir Vladimirovich, men xorijga butunlay ko'chib ketmoqchiman. O'zimga tegishli hamma uy-joy, mol-mulklarimni sotib pullarni bolalar uyiga hadya qildim. O'zimga tegishli qimmatbaho aksiya va ko'chmas mulklarimni barchasini ehson tariqasida kambag'allarga tarqatdim.
Endi davlatdan chiqib ketsam bo'ladimi? - debdi.
Putin o'ylanib turib:
— Ruslarda yo'l oldidan biroz o'tirib ketish odati bor. Shunga nima deysiz?! - dermish.

Vrach:
— Agar aroq ichmasangiz, umringizni ancha uzaytirasiz!
Bemor:
— To'g'ri aytasiz doktor! 1 hafta ichmagandim, 1 yildek tuyuldi.

<< < 433 434 435 436 437 438 439 > >>

Tavsiya qilamiz

Bosh sahifa