Latifalar

Yigit qizga:
— Seni qattiq sevaman.
— Bu gapni ko'pchilik qizlarga aytgansiz!
— Demak, seni navbating ekan!

3 ta o'rtoq avtobusga chiqishibdi.
Tushadigan bekatiga etib kelgach, avtobusdan tushib qarashsa uchinchi o'rtog'i yo'q emish.
Avtobusda ketib qolibdi deb unga qo'ng'iroq qilishibdi.
— Qaerdasan do'stim? - deyishsa,
— Avtobusda, birga ketvammizku, - debdi.
— Boshingni ko'tarib qara-chi, - deyishibdi o'rtoqlari.
Haligi bola qarasa, o'rtoqlari allaqachon tushib ketgan ekan.
"Kamroq telefonda o'yin o'ynash kerak edi", - deb avtobusdan yugurib tushib ketgan ekan.

— Dugonajon, nega yaxshi yigitlar yomon qizlarga uylanib olisharkin-a?!
— Bilmiman. Eringdan so'rab ko'r-chi...

— Nazokatxon, bugun chiroyli bo'lib ketibsizmi?!
— Ha. Lekin sizga qarata bu fikrni aytolmiman.
— Unda siz ham menga o'xshab yolg'on gapiring.

Yoz faslini to'xtatib turinglar! Men dam olishga ulgurmadim!

Darvoza oldida o'tirgan bolani yoniga kelib so'radim:
— Adang uydami?
— Ha uydalar, - dedi.
Darvozani uzoq taqillatdim. Hech kim ochmadi.
— Adam uydalar deysan. Darvozangni hech kim ochmayapti-ku, - desam, bolakay menga:
— Bilmiman, men bu erda yashamayman. Lekin meni adam uyda edilar, - dedi.

Turmushga chiqqan ayol dugonasiga debdi:
— Bilasanmi, nega ayollarni tishi karies bo'lib mo'rtlashar ekan?
— Nega? - debdi dugonasi.
— Erini bir zarbasidan tushib ketish uchun tishlar ham tayyor bo'lib turarkan-de... - debdi ayol.

Ona tuya va bo'taloq suhbati:
— Oyi, nega bizni oyoqlarimiz katta va xunuk? Otni oyog'ini qarang. Shunaqa bo'lsa bo'lmaydimi?
— Eh bolam, biz cho'lda, qumni ustida yuramiz. Shuning uchun oyoqlarimiz shunaqa.
— Oyi, nega bizni belimizda o'rkach bor. Tekis, chiroyli bo'lsa bo'lmasmidi?!
— O'g'lim, biz cho'l hayvonimiz. O'rkachimizni ichida suv va yog' saqlaymiz.
— Oyi, nega bizni lablarimiz bunaqa katta va qo'pol?
— Chunki cho'ldagi tikonlarni eyishga mo'ljallangan.
— Oyi, axir biz tug'ilgandan beri zooparkda yashaymiz-ku!

Bir darvesh, daydi odam ko'chada ketayotsa, ko'prik ustida joniga qasd qilmoqchi bo'layotgan yigitga ko'zi tushibdi.
Darvesh yigitni yoniga kelib:
— Menga qara! Sen baribir o'lmoqchisan. Shu ust-boshingni menga echib bera olmaysanmi? Meni kiyimlarim judayam iflos va badbo'y bo'lib ketdi, - desa, yigit:
— Yo'qol! Sen iflos va jirkanchsan! Meni kiyimlarimni olmaysan! - desa, darvesh xotirjam:
— Mayli. Tezroq sakra! Men seni pastda kutaman! - dermish.

— Seni pul va boylikdan boshqa narsa ham qiziqtiradimi o'zi?
— Ha, albatta!
— Nima?
— Ularni qaerdan topish qiziqtiradi.

<< < 434 435 436 437 438 439 440 > >>

Tavsiya qilamiz

Bosh sahifa