Latifalar

Koptokdan o'rganing! Qanchalik uni qattiq ursangiz, shunchalik balandroq sakraydi.

Xotin eriga:
— Tanishgan kunimiz yodingizdami?
Er:
— Ha. Men taksiga xushtak chalsam, yonimga sen kelgansan.

Bir idoraga telefon qo'ng'irog'i bo'libdi.⠀
— Allo, men sizlarga ishga joylashmoqchiman. Menga 10 mln. oylik to'lasangiz!
— Nima? Tentakmisiz?
— Kechirasiz, bu majburiymi?

— Mushugingni laqabi nima?
— Har doimgi laqabimi yoki kosamdagi go'shtni o'g'irlab ketayotganida nima deb chaqirishimni aytaymi?

Oilada tinchlik bo'lishi uchun er-xotin kamchiliklarga ko'z yumushi kerak deyishadi.
Savol: Qachon ko'zlarni ochsa bo'ladi?

Taksi haydovchisi yo'lovchini olib ketayotsa, yo'lovchi:
— Hov anavi kelayotgan ko'chani boshida to'xtatib yuboring, - debdi.
Haydovchi bo'lsa:
— Bugun ko'zoynagim uyda qolib ketibdi. Tushadigan joyingizda etib kelganimizda aytarsiz, darrov to'xtataman mashinani, - dermish.

Yigit Bo'zsuv qirg'og'ida o'tirsa, suvdan bir qurbaqa chiqib qolibdi-yu, tilga kiribdi:
— Meni o'psang, go'zal malikaga aylanaman...
Buni ko'rgan yigit qurbaqani olib cho'ntagiga solayotganmish:
— Nima qilyapsan? Men go'zal malikaman, - desa, yigit:
— Go'zal malikalar tiqilib yotibdi. Gapiradigan qurbaqa hali birorta blogerda yo'q. Sen menga shundayligincha kerakliroqsan! - degan ekan.

— Allo, allo! Yordam bering. Men qo'lni sindirib qo'ydim.
— Men vrach emasman. Advokatman. Vrachga qo'ng'iroq qiling!
— Menga advokat kerak. Singan qo'l meniki emas!

Avtobusda:
— Xolajon, sumkangiz ochilib qolibdi.
— Voy bolajonim rahmat! Boshqa bir insofsiz bo'lganda hamyonimdagi pullarni o'g'irlab olardi.
— 100 ming so'm ham pul bo'ptimi xolajon?!

Manzilga etib kelganda taksi haydovchisi yo'lovchiga:
— Uzr, men hisoblagichni yoqishni unutibman, - debdi.
Yo'lovchi:
— Bo'lib turadi... Men esa hamyonimni uyda unutibman, - degan ekan.

<< < 437 438 439 440 441 442 443 > >>

Tavsiya qilamiz

Bosh sahifa