Latifalar

Bemor shifokor ko'rigidan o'tdi.
— Xo'sh, menda qanday kasallik bor ekan?
— Sizda istagan kasallik: oddiy tumovdan tortib juda kam uchraydigan yurak nuqsoni ham bo'lishi mumkin... Hammasi sizning moddiy ahvolingizga bog'liq.

Lo'lilar kaftingizni ochib ichida pul ko'rsa, bo'ldi!
Hayotingiz faqat baxtdan iborat bo'lishini aytib berishadi.

Bir ayol hikoya qiladi:
— To'rt yoshli qizim shkafni ochib, kiyimlarni titaveradi. Bugun uni qo'rqitdim,
— Shkaf ichida yomon amaki bor, ochsang seni o'g'irlab ketadi, deb.
Kechki payt erim bilan ovqatlanib o'tirsak qizim yugurib kelib:
— Oyi, oyi! Shkaf ichidagi amaki ketdimi? deb so'rasa bo'ladimi!
Erimga tushuntirgunimcha bo'larim bo'ldi!...

— Yur, aylanib kelamiz.
— Bormayman. Oyoqlarim og'riyapti.
— Nima bo'ldi?
— Yoshim 40 dan oshdi.

Imtihonga kirgan talaba bitta biletni olib, joyiga qo'yib-qo'yibdi. Ikkinchisini olib yana joyiga qo'yibdi. Uchinchisini, to'rtinchisini, ... va hakozo olib-qo'yaversa, o'qituvchi uni to'xtatib reyting daftarchasiga "4" baho qo'yib beribdi.
Boshqa talabalar hayron... "Nima uchun??? Axir u hech nimaga javob bermadi-ku?!" deyishibdi.
Shunda o'qituvchi "Aynan bitta biletni qidiryaptimi, demak nimagadir qattiq tayinlanib kelgan-da!" degan ekan.

Erkak kishi yo'q dedimi - demak yo'q!
Erkak kishi xo'p dedimi - demak xo'p!
Erkak kishi yo'q deb turib, keyin xo'p deyishga majburmi - demak u uylangan.

Shogirdning shiori:
7 martta so'rab, 1 martta unut!

Bir kuni yigit qizni uchrashuvga chaqiribdi. Qiz kech kelibdi. Shunda yigit:
— Nega kech kelding? - debdi.
Qiz esa:
— Chiroyli qizlar doim kech kelishadi, desa, yigit:
— Buni bilaman! Sen nega kech qolding, - debdi.

Xorijga ketayotgan erkaklar pingvinga o'xshab borishmoqda.
Erta bahorda ketishadi-yu, qishda qaytishadi.

— Pulni qaysi hayvonga o'xshatasan?
— Kelishini toshbaqaga o'xshataman. Ketishini quyonga o'xshataman.

<< < 454 455 456 457 458 459 460 > >>

Tavsiya qilamiz

Bosh sahifa