Latifalar

Ikki yigit:
— Yoshim o'tib qoldi do'stim.
— Nega unday deyapsan?
— Avvallari "Nega uylanmayapsan?" deyishardi. Endi bo'lsa, "Nega shu paytgacha uylanmagansan?" deb so'rashyapti.

Mashhur biznes-trener katta auditoriyaga gapira boshlabdi.
Tinglovchilarni orasida bir yigit savol berish uchun qo'lini ko'tarib qolibdi:
— Janob, nima uchun hamma joyga borib bir xil gapni gapiryapsiz?
Trener javob beribdi:
— Siz meni orqamdan hamma joyda yurishdan boshqa ishingiz yo'qmi?

— Rahbaringiz yaxshimi?
— Juda yaxshi.
— Rostanmi?
— Rostan! Yomonlasang, darrov bo'shaysan.

Bir xonali uyga sig'gan narsalarimiz 2 xonali uyga sig'may qolishi allaqachon isbotlangan.

Chet tilini bilmaydigan insonlar lug'atga qarab, bir amallab savol berib olishadi-yu, javobini tushunmay turaverishadi.

Afandini tobi qochibdi. Lekin tabibga to'lashga puli ham yo'q ekan.
Tabibni oldiga kelib:
— Ayting-chi, siz shamollab qolsangiz qanday tuzalasiz? - debdi.
Tabib davolanish sirini ipidan ignasigacha aytib beribdi.
Afandi tabibni gapini diqqat bilan eshitgach, "Rahmat" deb chiqib ketibdi.

— Salom, Rasul aka! Bugun men haydovchilik guvohnomasini oldim.
— Salom! Nega buni menga yozyapsan? Axir biz allaqachon ajrashib ketganmiz-ku!?
— Shunchaki, endi yo'llarda ehtiyot bo'ling!

Kasalxonada:
— Nima uchun operasiya xonasidan baqirgan ovoz eshitilyapti?
— Bemor baqiryapti.
— Narkoz qilishmadimi unga?
— Hozir qilindi. Hali hushidan ketgani yo'q.
— Vrach shoshilib qorinni kesib yubordimi?
— Yo'q. Vrach internetga kirib, "Ok gugl. Appendiks qaysi tarafda joylashgan" degan edi, bemor uni gapini eshitib qoldi.

"Supurilgan joy tozamas, axlat tashlanmagan joy toza!" degan gapni eshitgan farroshlar qo'liga supurgi emas tayoq olib yurishibdi.

Maktabni ko'k diplomga bitirib, kollejni ham ko'k diplomga tamomladim. Endi institutga ham ko'k bilan kiraman.

<< < 457 458 459 460 461 462 463 > >>

Tavsiya qilamiz

Bosh sahifa