Latifalar

Bir yigit do'stiga debdi:
— Senga bir gap aytaymi? Negadir oxirgi paytlarda hayoling parishon bo'lib qolgansan, - desa, do'sti:
— Nima gap aytmoqchi eding? – dermish.

Afandi bir kuni baliq oviga chiqibdi. Birdaniga yomg'ir yog'ib, shamol ko'tarilibdi. Shunda Afandi baliq turini ustiga yopib olib, bamoqlarini to'rning teshigidan chiqarib:
— Voy, tashqari muncha sovuq, - dermish.

Hisobchi – hisob-kitob ishlarini qiladi.
Shifokor – bemorlarni davolaydi.
O'qituvchi – bilim beradi.
Futbolchi – byudjetdagi pullar hisobiga erinmasdan butun dunyoni aylanadi.

Bir kuni tunda afandi mehmondan qaytayotsa, yo'lda kalondimog' boy uchrab qolibdi. Boy:
— Ha afandi, men sizni mol deb o'ylabman, - debdi.
Afandi hozirjavoblik bilan:
— Ha boy ota, men bo'lsam sizni qorong'uda odam deb o'ylabman, - degan ekan.

To'ylarga yuradigan artistlarning har biri 200ga yaqin odamni ta'minlab nafi tegayotgan ekan.
O'zbekistonda artistlar sonini ko'pligini hisobga olsak, barchamizni artistlar boqayotgan bo'lib chiqayapti ekan.

Bir kishi ishdan qaytayotsa, uyini yonida bir lo'lini uchratibdi. Lo'li undan:
— Eski-tuski narsalaringiz bo'lsa olamiz, - debdi.
Haligi kishi:
— Yo'q! Eski narsalarimiz yo'q! – deb uyiga kirib ketsa, birozdan keyin telefon jiringlabdi.
— Allo, - desa, notanish ovozda kimdir shunday debdi:
— Hovlingiz eski-tuski narsalarga to'la ekan. O'zingizni xabaringiz yo'qmi!? Yig'ishtirib olib ketdik.

Ko'chat bozorini aylanib yurgan xaridor sotuvchidan so'rabdi:
— Bu daraxtingiz 3 yilda olma beradimi?
— Yo'q, - debdi sotuvchi.
— 5 yilda beradimi? – so'rabdi yana xaridor.
— Yo'q, - debdi yana sotuvchi.
— Unda nechi yilda olma beradi? – desa, sotuvchi:
— Hech qachon olma bermaydi! Axir bu behi-ku! – degan ekan.

Chiptachi avtobusda chipta sotib yursa, bir yigit 1200 so'm beribdi.
— Yo'l haqqi bugundan 1400 so'm bo'lgan, - desa, yigit:
— Mayli, menga kechagi chiptangizdan bering, - dermish.

Messidan bir o'zbek jurnalisti interv'yu olibdi:
— Nega siz kutilmaganda bizning futbol jamoamizga o'tdingiz?
Messi javob beribdi:
— Bu erda yaxshi ekan! Koptokni xohlagan tarafga tepsa bo'larkan...

Motosikl ustasiga mijoz kelib debdi:
— Shu motosiklimni tuzatib bering.
— Xo'sh, nima kasali bor? – so'rabdi usta.
— Ertalab 15 marta tepib o't oldiraman. Motosikl degani 1 ta tepsa yonish kerak-k?! – debdi mijoz.
— Ha, unda kechqurun 14 marta tepib yoting. Ertalab 1 ta tepib haydab ketaverasiz, - dermish usta.

<< < 464 465 466 467 468 469 470 > >>

Tavsiya qilamiz

Bosh sahifa