Latifalar

Katta yo'ldan taksi mashinasi ketayotsa, YPH nazoratchisi qo'lini ko'tarib, ishora qilib mashinani to'xtatibdi. Taksi haydovchisi to'xtab, oynadan qarab:
— Qaerga ekan? – desa, nazoratchi:
— Hech qaerga! – debdi.
Shunda taksichi:
— Unda nega ovora qilib taksini to'xtatyapsiz!? – deb yurib ketvargan ekan.

— Allo, men e'lon bo'yicha qo'ng'iroq qilyapman. Ishga olishingiz uchun nima talab etiladi?
— Oliy ma'lumotdan tashqari, o'rta maktab o'quvchisining bilimi va maktabgacha bo'lgan bolaning tarbiyasiga ega bo'lishingiz kerak.

— Do'stim, men 4G ni ayrim tashkilotlarning rahbarlariga o'xshataman.
— Nega?
— Savlati bor-u, qiladigan ishi yo'q!

Bir mast kishi milisiyaga telefon qilib:
— Manavi erda 300 ta odam o'lib yotibdi, - debdi.
Milisiya:
— Tez manzilni ayting! – desa, mast kishi:
— Shahar qabristonida, - dermish.

Choyxonada yigitlar ziyofat qilib o'tirishsa, bir otaxon narigi supada yigitlarga havas bilan qarab o'tirgan ekan.
— Otaxon, biz ham sizga o'xshab yuraylik, bir duo qiling, - debdi yigitlar.
Otaxon:
— Omin, meni yoshimga kiringlar, ammo men qilgan ishni qilmanglar! – debdi.
Yigitlar:
— Nega unaqa deyapsiz? – desa, otaxon:
— Chunki hayotimda 25 yil qamoq ham bor-da, - degan ekan.

Er-xotin dam olgani dalahovliga ketayotishsa, xotini uydagi hamma pullarni sumkaga solayotganmish. Buni ko'rgan eri:
— Bor-yo'g'i 2 kunga ketyapmiz. Nima qilasan shuncha pulni? – deb so'rabdi hayron bo'lib.
Xotini debdi:
— To'g'ri, dalahovliga biz ketyapmiz. Lekin o'g'limiz 2 kun uyda qoladi-ku...!

Bir kuni afandi baliq oviga boribdi, lekin xo'rak olish esdan chiqibdi.
Qog'ozga “chuvalchang” deb yozib, qarmoqni suvga tashlabdi. Birozdan keyin qarmoqni ko'tarsa, qog'ozni orqa tomoniga “baliq” deb yozib qo'yilganmish.

Bir ayol shaharni o'rtasidagi piyodalar yo'lakchasidan sigir etaklab ketayotsa, milisiya xodimi uni to'xtatib debdi:
— Hurmatli fuqaro! Bu yo'lak faqat piyodalar yurishi uchun mo'ljallangan.
Ayol bir sigirga, bir milisiyaga qarab:
— Sigirim velosiped haydab ketayotgani yo'q! Piyoda ketyapti, - degan ekan.

“Baliq boshidan sasiydi!” degan gapni eshitgan baliqlar kuniga 2 marttadan boshini yuva boshlabdi.

O'rmonda ochlik boshlanib, arslon egulik topa olmay qolibdi.
Shunda arslon hamma hayvonlarni bir joyga yig'ib shunday debdi:
— Eng qo'rqoq, eng kichkina hayvondan eyishni boshlayman! O'zing bilib o'rtaga chiqaver!
Bir payt quyon o'rtaga sakrab chiqib:
— Nega arslon akamni kutishga mavjur qilasanlar?! O'zlaring bilib, tezroq chiqmaysanlarmi?! – dermish.

<< < 465 466 467 468 469 470 471 > >>

Tavsiya qilamiz

Bosh sahifa