Latifalar

Bir odamni xotini eriga debdi:
— Adasi ozmoqchiman! Belimga obrach olib kelib bering...
Eri “Xo'p” deb, ertasiga obrach olib kelib bersa, xotinini beliga shundoq loyiq kelibdi. Xotini “Voy! Nega bunaqasini olib kelasiz?!” deb ming'irlasa, eri xursand bo'lib:
— Ana xotin ko'rdingmi? Seni razmeringni topibman! Lop-loyiq keldi-ya... Ko'ylak olib bermasam ham o'lchamlaringni yaxshi bilaman, – dermish.

— Do'stim bilasanmi? Koreyslar bilan avtoinspektor xodimlarining o'xshash tarafi nimada?
— Bilmadim. Nima ekan?
— Ikkalasi ham tayoqchada ovqatlanishadi.

Mahalladagi bolalar ramazon aytib kelishsa, xotini eriga qarab:
— Adasi, borib anavi bolalarni hammasini haydab yuboring! – debdi.
Eri:
— Nega xotin? – desa, xotini:
— O'tgan kuni men ularga somsa olib chiqib tarqatgan edim. Kecha ular menga “Pazandalik sirlari” degan kitobni tashlab ketishdi...!

O'qituvchi:
— Demak, bugun fe'lni o'tamiz. Alisher ayt-chi, agar sen qo'shiq kuylasang nima bo'ladi?
Alisher:
— Men kuylayapman bo'ladi.
O'qituvchi:
— Agar kichkina singling kuylasa-chi?
Alisher:
— Ovozingni o'chir bo'ladi.

Bitta ko'r bilan bitta g'ilay bo'lgan ekan. Kunlarni birida ular urishib qolibdi. Ko'r qo'lini musht qilib:
— Qaerdasan? Chiq bu yoqqa! – desa, g'ilay:
— Ha?! Bir o'zimga ikkoving urishasanmi?! – debdi.

Bir kuni Afandining uyiga Ali degan do'sti mehmonga boribdi.
Bir payt Afandi qarasa, Ali dasturxondagi kumush qoshiqni cho'ntagiga solayotganmish. Topqir Afandi shunday debdi:
— Qaranglar, hozir men qoshig'imni cho'ntagimga solaman. Bir zumda qoshig'im Alining cho'ntagida paydo bo'lib qoladi. Mana...
U shunday deb Alini cho'ntagidan o'g'irlangan qoshiqni olib qo'ygan ekan.

Barcha qaynonalarga savol:
Agar keliningiz hamma narsasini yig'ishtirib, uydan butunlay ketayotgan bo'lsa yana 2 hafta sizga xizmat qilib berishi sharmi?

— Xotin, raqsga tushma!
— Nega adasi?!
— Qo'llaringni tushir! O'ynama dedim senga!
— Zo'r ashula ekan!
— Rulni ushla!!! Qayoqqa haydayapsan???

Bir odam ruslarga tobut yasar ekan. Kunlarni birida tayyor tobutni etkazib beraman desa, mashinasi buzilib qolibdi. “Buyurtmani kechiktirib bo'lmaydi!” debdi-da, tobutni ko'tarib olib borishga qaror qilibdi.
Ko'chada ketayotsa, milisiya to'xtatib so'rabdi:
— Tobut boshingizga ko'tarib olib qayoqqa ketyapsiz?
Tobut yasovchi odam milisiyaga:
— Ko'milgan joyim yoqmayapti. Boshqa joy qidirib ketyapman, - degan ekan.

Bir o'zbek futbolchimizdan so'rashibdi:
— Nega o'yin vaqtida buncha ko'p gapirasiz?
U debdi:
— O'yinchilarimiz chet tilini bilmaydi. Shuning uchun raqiblarimiz qanday taktika qo'llab o'ynayotganini ularga tushuntiraman.

<< < 468 469 470 471 472 473 474 > >>

Tavsiya qilamiz

Bosh sahifa