Latifalar

Vaqt allamahal bo'lganda darvozadan kirib kelgan o'g'liga onasi debdi:
— Qaerlarda yuribsan? Soat nechi bo'ldi?! Bor, yuraver ko'chada!
Bu gapni eshitgan o'g'li shu zahoti cho'ntagidan telefonini, kimgadir qo'ng'iroq qilib:
— Allo, Alish sho'ttamisila? Ruxsat oldim. Hozir chiqaman, - dermish.

Texnika oliy o'quv yurtiga kirgan 1-kurs talabasi o'qishning ilk kuni birinchi para darsda o'tirib ma'ruza tinglamoqda:
“Kvant maydon nazariyasida zeta tartibga solish murakkab o'zgaruvchining funksiyasi bo'lgan Riemann zeta funksiyasidan foydalanish...”
Talaba cho'ntagidan qo'l telefonini chiqarib, qo'ng'iroq qilib past ovozda debdi:
“Ada, fikrimdan qaytdim. Armiyaga boraqolay...!”

Vrach qabuliga kirgan qari otaxon shikoyat qilmoqda:
— Bolam, mazam yo'q! Bittasini yuklayman, ikkinchisini yuklayman, uchinchisini yuklay boshlaganimda tobim qochadi...
Vrach hayron bo'lib:
— Otaxon, men yosh bo'la turib shuncha kuchim yo'q. Siz nega og'ir yuk tashib yuribsiz? – debdi.
Otaxon:
— Qanaqa yuk? Men internetdan fil'mlarni yuklab o'tiraman!

— Oyijon, bu safar ona tilidan chorak bahoim aniq “5” chiqadi.
— Barakalla o'g'lim! Nega bunchalik aniq gapiryapsan?
— Chunki choraklik inshoni partadoshim Manzuradan ko'chirdim. Mavzusini bilasizmi? “Mening tarjimai holim”...

Yaqin do'st bo'lgan ikkita boy uchrashib, suhbatlashib qolibdi:
— Shu dangasa o'g'limni ishga olsang degandim...
— Muammo emas! Ertaga kelaversin. 1-2 soat ofisda, komp'yuter o'yin o'ynab ketadi. Maoshi 5 million bo'ladi.
— Do'stim, men uni rostan ham ishlashini xohlayman.
— Mayli, yarim kunga kelaqolsin. Internetda yangiliklarni o'qib, qahva ichib ketadi. Oyiga - 2 million, bo'ladimi?
— Ha, yo'q... U kamida 10 soatlab ishlashi kerak. Maoshini 700 mingdan oshirmaysan...
— E, bunaqasi ketmaydi! O'g'lingga ayt, yonimga institut diplomi bilan kelsin!

Ziqnaroq bir odam taksi to'xtatib so'rabdi:
— Falon joygacha borsam, qancha bo'ladi?
Taksichi unga:
— 10 ming bo'ladi, - debdi.
Haligi odam pulni eshitib:
— Unda shu yuklarimni o'sha joyga olib borib tashlang. Men orqangizdan yugurib etib olaman, - dermish.

Mashhur yozuvchi Chexov 44 yoshida vafot etgan.
Pushkin esa 37 yoshida halok bo'ldi. Mayakovskiy 36 da,
Esenin-chi, bor-yo'g'i 30 yoshga kirganida o'z joniga qasd qilishadi.
Mana, mashhur insonlarning davlat pensiya jamg'armasiga qo'shgan hissalari...!

Bir yigit qo'l telefoni musiqasiga qo'ng'irog'iga davlat madhiyasini qo'yib olgan ekan. Bir kuni bekatda avtobus kutib o'tirgan ekan kimdir unga qo'ng'iroq qilib qolibdi. Shunda telefonidan madhiya yangray boshlabdi. Orqa cho'ntagidan telefonni olish uchun o'rnidan turgan yigit atrofdagilarga qarasa, yonidagi odamlarni hammasi o'rnidan turayotganmish.

— Allo, o'rtoq qaerdasan?
— Avtobusda, kelyapman!
— Tezroq bo'laqolgin...
— Yaxshi. Hozir, haydovchiga aytaman!

Rosa mast ahvolda uyga kelgan erkak oshxonaga kirib qarasa, sovutgich “g'irillab” ishlab turgan ekan. Erkak kelib sovutgichni eshigini ochibdi-da:
— Uyga tashab qo'ying, - deb ichiga kirib o'tirib olibdi.
Xotini shovqinni eshitib oshxonaga kirsa, eri muzlatgichni ichiga kirib o'tiribdi.
— Dadasi, bu erda nima qilyapsiz? – desa, eri:
— Orqamdan qidirib shu ergacha keldingmi?! O'zim taksi ushlab uyga ketayotgandim, - dermish.

<< < 482 483 484 485 486 487 488 > >>

Tavsiya qilamiz

Bosh sahifa