Latifalar

Telefonni ushlab uxlaydi.
Telefonni ushlab ovqatlanadi.
...ga ham telefon bilan kirib-chiqadi.
Qo'ng'iroq qilsang ko'tarmaydi. Eshitmay qolganmush...

Hayvonlarga qiziquvchan yigit zoodo'konga kirib so'rabdi:
— Sizlarda gapiruvchi hayvon bormi?
— Bor. Bizda qirqoyoq degan jonivor bor. U bemalol gaplashadi, - debdi sotuvchi.
Yigit:
— Iltimos, qirqoyoq bersangiz, - deb sotib olibdi.
Uyiga kelgach, qirqoyoqqa ovqat beribdi. Birozdan so'ng yigit:
— Yur, ko'chaga chiqib kelamiz, - desa, qirqoyoq indamasmush. 10 daqiqa o'tib, yigit yana:
— Yur deyapman ko'chaga chiqamiz, - debdi.
Qirqoyoq bo'lsa:
— Shoshmay tur, poyafzallarimni kiyib olay! – dermish.

O'smir qiz otasini ko'kargan ko'zini ko'rib debdi:
— Ada, ko'zingiz nega ko'kargan?
Otasi jahli chiqib:
— Agar yana bir martta dugonangni lab bo'yog'i meni mashinamda tushib qolsa, seni ko'zingni ko'kartiraman, - dermish.

Oddiy ishchilarni asranglar!
Agar ular kasal bo'lib qolsalar, ishxonalarda faqat rahbarlar va tekshiruvchilar qolishadi.

Ona-bola pashshalar devorda o'tirsa, ona chivin bolasiga debdi:
— Sen hadeb odamlar gavjum stolga borib ovqatlanaverma! Bir chekkada qoldiqlarni egin!
Pashsha bolasi:
— Kecha odamlar ko'p joyda uchib yurgandim, rossa meni orqamdan qarsak chalib, qo'llarini silkitishdi. Menga yoqdi. Bugun ham bormoqchiman, oyijon... – debdi.

Selfiga tushgan ikki dugona suratga qarab turib, biri debdi:
— Voy, xunukligini qara! Bo'lmaydi! Qaytadan tushamiz!
Ikkinchisi:
— Sen yaxshi tushgansan! Meni qarasang-chi... – desa, dugonasi:
— Men shundoq ham sen haqingda gapiryapman, - dermish.

Imtihonga kirgan talaba savollarga javob topa olmay shiftga qarab o'tirsa, o'qituvchi ko'rib:
— Madiyarov! Nega imtihonga tayyor emassan?! Mayli senga bir savolim bor. Topsang, imtihondan o'tding hisob! – debdi.
Talaba xursand bo'lib:
— Mayli ustoz! Nima savol ekan? Tezroq aytaqoling! – debdi.
O'qituvchi:
— Shu xonada nechta lampochka bor? Faqat qaramasdan javob ber! – desa, talaba:
— Oltita, - debdi.
— Topa olmading. Ettita bor, - deb cho'ntagidan 1 ta lampochka chiqaribdi o'qituvchisi.
Ertasi kuni qayta topshirishga kirgan talaba yana yozmay o'tiraveribdi.
O'qituvchi yoniga kelib debdi:
— Yana shu ahvolmi Madiyarov?! Mayli, yana o'sha gap. Bu xonada nechta lampochka bor? Topsang, bahoing - besh!
— Albatta ettita, ustoz! – debdi talaba.
— Bekorlarni aytibsan! Bugun meni cho'ntagim bo'm-bo'sh, - desa, Madiyarov:
— Lekin meni cho'ntagimda lampochka bor! – deb cho'ntagidan lampochkani chiqargan ekan.

Vrach bemorga debdi:
— Ho'sh bemor, ertadan boshlab spirtli ichimliklar, tamaki va yog'li ovqatlardan voz kechasiz.
— Nima uchun? Sog'lig'imga to'g'ri kelmaydimi? – so'rabdi bemor.
— Yo'q! Hozir kassaga borib xizmat haqqini to'lab kelsangiz, bunga imkoniyatingiz qolmaydi... – dermish vrach.

Sizning maoshingizga qancha?
Rahbaringiz ko'zi bilan qaralsa: “Buncha-yam ko'p maosh to'layapman...”
Xotiningiz ko'zi bilan qaralganda: “Shu-yam pulmi? Buncha kam...!”
O'zingizni ko'zingiz bilan qaraganda: “Men davlatga tekinga ishlab beryapman!”

Erkak uyiga kovrolin to'shab, ishni tamomlagach, sigaret chekmoqchi bo'libdi. Cho'ntaklarini qidirib, sigaretini topa olmasmish.
Bir payt qarasa, kovrolinni o'rtasi do'mpayib ishib turganmish.
“Obbo! Shu etmay turgandi. Kovrolinni tagida sigaret qutim qolib ketibdi” debdi jahli chiqib. Qarasa, oshxonadan xotini chiqib eri tomonga kelayotganmish. Erkak bolg'ani olib, kovrolinni do'mpayib turgan joyini tez-tez urib, pachoq qilib tekislab qo'yibdi. Xotini erini tepasiga kelib:
— Adasi, sigaretingizni qidirmadingizmi? Mana, oshxonada qoldiribsiz. Kecha siz menga sovg'a qilgan yangi telefonni topa olmayapman, ko'rmadingizmi qaerda qoldi ekan?! – dermish.

<< < 480 481 482 483 484 485 486 > >>

Tavsiya qilamiz

Bosh sahifa