Latifalar

O'g'li komp'yuter oldidan hech ketmayotganini ko'rgan onasi oshxonada turib unga debdi:
— Kelaqol o'g'lim, ovqat tayyor!
— Hozir oyijon, hozir.
Onasi yana unga:
— Kelaqol endi, ovqating sovib qoladi...
O'g'li o'rnidan turib oshxonaga kirib borsa, onasi tezgina yugurib borib, komp'yuter oldiga o'tiribdi-yu, xursand bo'lib o'ziga-o'zi:
— Yana aldandi, laqma! – dermish.

Yoshi bir joyga borib qolgan futbol ishqibozi bolalik xotiralarini gapirib bermoqda:
“Bir yoshligimizda jahon chempionatini oq-qora televizorda ko'rar edik. Bir gal esimda, televizorimizni rangini oqartirib yuborsam, ekranda angliyaliklar ko'rinmay qoldi. Ekranni sal qoraytirsam, maydondan nigeriyaliklar yo'qolib qoldi”.

— Do'stim, men uchun hayot tamom! Sevgan qizim meni tashlab ketdi!
— Ha...! Juda yomon bo'pti. Er yuzida bittagina qiz bor edi-ya... Lekin endi aqling ishlay boshlaydi!
— Nega er yuzida bitatgina qiz bo'lar ekan?! 4 milliard qiz bor-ku!
— Ana ko'rdingmi?! Aqling ishlay boshladi.

Go'zal bir qiz ko'chada ketayotib qoqilib tushibdi.
Buni ko'rgan yigit kulib yuborsa, qiz debdi:
— Yaxshi-yam meni erkaklar ko'rmadi. Juda uyalgan bo'lardim...

Qadim zamonda podshohning yoniga ayonlaridan biri yugurib kelib:
— Shohim, huzuringizga dunyoda eng mashhur folbin kirmoqchi, - debdi.
Shoh kiritishni buyuribdi. Folbin saroyga kirib aytibdi:
— Ey shohim, buyuk lashkarboshi! Men sizning bo'lajak janglaringiz va umuman kelajak hayotingiz xaqida fol ochib beraman.
Podshoh jallodni chaqirib:
— Bu folbinning boshini tanidan judo qilinglar! - deb buyuribdi.
Jallod buyruqni bajargach, savol berishibdi:
— Shohim, nega folbinni o'limga hukm qildingiz?
Podshoh:
— Bu ablah folbin o'zining kelajagini bilmaydi-ku, mening kelajagimni qaerdan bilsin! - degan ekan.

— Sizning o'rningizda bo'lganimda, bu erkak bilan gaplashmagan bo'lardim. Qandaydir shubhali kimsa...
— Kechirasiz, lekin bu - meni erim bo'ladi...

Ruscha: Poka! Nemischa: Wiedersehen! Inglizcha: See you! Turkcha: Gule gule!
O'zbekcha: Bo'pti. Gaplashamiz. Uydagilarga salom deb qo'y! Uyga o't, choy ichamiz.

— Senga ikkita yangiligim bor.
— Yaxshisidan boshlayqol.
— Kim aytdi senga yaxshi xabar bor deb?!

“Boriga baraka”dan energiya tejamkor lampochka yutib oldim.
Uyga kelib, chiroqqa o'rnatib ko'rdim. Ishlamadi...
Rostan ham energiyani tejar ekan.

— Eshikni oching, MIBdan kelgandik.
— Ochmayman! Sizlardan juda hafaman!

<< < 493 494 495 496 497 498 499 > >>

Tavsiya qilamiz

Bosh sahifa