Latifalar

— Do'stim, katta-katta konsertlarga qanday qilib bepul kirib chiqasiz?
— Chipta tekshirayotgan odamning yonidan orqa tarafga yurib o'tib ketaman. U meni tashqariga chiqib ketyapti deb o'ylaydi.

Boyliklari behisob, o'ta badavlat qariya xizmatkoridan so'rabdi:
— Ayt-chi, nega yosh va chiroyli qizlar menga turmushga chiqishga bunchalik shoshilmasa?!
Xizmatkori:
— Eh... Ular aslida tezroq beva qolishga shoshilishmoqda!

Tekshiruvchilar kirib kelib bolalarga debdi:
— Xo'sh bolajonlar, aytinglarchi, bog'cha opangiz yaxshimi?
Bolalar bir ovozdan:
— To'yib ketdik, - deyishibdi.
Hayron bo'lgan tekshiruvchilar:
— Bog'cha opangiz qancha ovqatni o'zi bilan uyga olib ketadi? – deyishsa, bolalar:
— Rosa-yam ko'p! – deb javob berishgan ekan.

Bir olim tajriba qilib ko'rish maqsadida uchta maymunni olib, bittasini Yaponiyaga, ikkinchisini Xitoyga va uchinchisini O'zbekistonga yuboribdi.
10 yildan so'ng maymunlarni ko'rishga borishsa, Yaponiyadagi maymun 3 ta bolali bo'libdi. Xitoydagi maymun “Bizga ruxsat shu” deb 2 ta bola tug'ibdi. O'zbekistonga kelsa, maymun 1 ta bolasini ushlab o'tirganmish. Olimlar maymunni egasidan so'rashibdi:
— Nega bunaqa? Axir sizlar bolajon xalq edingiz-ku! – desa, maymunni egasi:
— O'zingiz aybdorsiz! Menga erkak maymunni tashlab ketganingizni bilarmidingiz?! – degan ekan.

Ikki sinfdosh suhbatlashmoqda:
— Nega seni otang tushlikka bunchalik ko'p pul beradi?
— Aslida adam buncha pul bermas edilar. Ular mendan maktab oshxonamizni telefon raqamini so'ragandilar, men ataylab ko'chaning narigi tarafidagi restoranning raqamini berdim. Adam restornga qo'ng'iroq qilib, tushlik necha pul turishini so'rabdilar. O'sha kundan beri menga shunaqa ko'p pul beradigan bo'lganlar.

— Eshitdingmi? Endi korrupsiyaga qarshi kurash emas, jang olib borilarkan...
— Ha! Jangda qurbonlarning mulklari jangchilarga qolib ketishini ham bilasanmi?!

Erining yomon odatlaridan to'yib ketgan xotin debdi:
“Sizni birinchi ko'rishimdayoq, butun umrimni sizsiz o'tkazishni istayotganimni his qilgandim”.

Advokatga murojat qilgan ayol:
— Ayting-chi, agar erim bilan ajrashsam, qonun bo'yicha menga boylikning yarmi qoladimi?
— Ha. Teng yarmi! O'zi nima uchun ajrashmoqchi bo'lyapsiz? – debdi advokat.
— Yo'q... Men hali-yam badavlat erkakni qidirib yuribman, - degan ekan ayol.

Soliq idorasida:
— Nima uchun yillik daromadingizni berkitdingiz?
— Bo'lmagan gap! Nima qilay, “daromad” katakchasiga barcha raqamlar sig'mas ekan.

Bir yigit yo'lda ketayotib chiroyli qizga qarabdi.
Yonidagi o'rtog'i unga:
— Qarama! Bu qizga kecha men qaragan edim, - dermish.

<< < 491 492 493 494 495 496 497 > >>

Tavsiya qilamiz

Bosh sahifa