Afandi charchab uzoq yo'ldan kelar edi. Yo'lda otliq ketayotgan mahalla ellikboshisiga ko'zi tushib qoldi va undan iltimos qildi: — To'nimni olib ketmaysizmi? — Mayli,— rozi bo'ldi ellikboshi,— qishloqqa borgach uni kimga berib qo'yishim kerak? — To'nimning o'zi otdan tushib, uyni topib ketadi. — Masxarabozlikni qo'ying, Afandi, hech jahonda to'n ham uyini topib keta oladimi? — Axir, uning ichida o'zim bo'laman-da!— dedi Afandi.
Bir ayol dugonalari bilan yangi yilni bayram qilibdi va rosa shampanskiy ichib, uyiga mast holatda kech qaytibdi. Qarasa eri uxlayapti. U xotinini kech kelganini bilmabdi ham. Xotin darhol noutbukini ochib o'zini ishlatayotganga solibdi. Eri shovqinda uyg'onib xotinga: — Nima bayramda ichib oldingmi? Xotin: — Yo'q, dadasi ertaga juda muhim ishim bor shuni yozayapman! Eri: — Yolg'on gapirma, alkash chemodonni yopib tezda uxla.
Ota-onangiz uxlashingizdan oldin sizlarga qanday ertaklarni aytib berishardi? "Institutni tugatganingdan so'ng rosa ko'p pul topasan" - degan ertaklari hamon esimda...
Radioga qo'ng'iroq: — Salom, meni ismim Teshavoy! Men kecha diplomat topib olgandim. Ichida 50 ming Evro va pasport bor ekan. Menimcha diplomat egasini pasporti shekilli, ismi Boltavoy ekan, shu birodarimizga yaxshilik qilmoqchiman. — Rostanam, pullarini qaytarib bermoqchimisiz? — Yo'q, shu odamni nomiga bir qo'shiq qo'yib berishingizni so'rayman. — Ie, qanaqa qo'shiq? — "KAYFUEM" degan qo'shiqni qo'yib bersangizlar degandim!
Oyijon man mushukchamni topdim!!! — Jinnimisan qizim, 35ga kirding, er top endi.
Afandi bog'chasiga o'tqazgan ko'chatlarini har kuni kechqurun ko'chirib, uyiga olib kirib ketar edi. Bu ahvolni qo'shnilari ko'rib: — Afandi, bu nima qilganingiz? - deyishdi. — O'zingga ehtiyot bo'l, qo'shningni o'g'ri tutma, - dedi Afandi.
Bolacha onasini yoniga yugurib kelib: — Oyi, oyi, karavotni tagida ajina bor ekan... — Ha, o'g'lim, dadang komandirovkadan kelgunigacha o'sha ajina biznikida yashab turadi.
Bog'chaga kelgan boladan tarbiyachisi bilimini sinab ko'ryapti: — Qani Akmal nimani bilasan? — 1, 2, 3, 4, 5 — Ana ko'rdilaringmi sanashni bilar ekan, qani davom etchi, — 6, 7, 8, 9, 10, valet, dama, korol', tuz..
Talaba bu — aholi qatlamining qimmat telefon tutuvchi, ammo hisobida mablag'i yo'q kishisidir.
Afandi ko'chadan taqa topib oldi, juda xursand bo'lib borayotgan edi, bir oshnasi so'radi: — Ha, Afandi, buncha xursandsiz? Afandi qo'lidagi taqani ko'rsatib dedi: — Bitta taqa naqd, yana uchta taqa-yu usti but bo'lsa, bitta ot degan so'z. Chu!
Tush.UZ - Tushlar tabiri