Latifalar

— Erim yo'qolib qoldi. O'rtoq milisioner erimni shu bugunoq topib beringlar. Men erimni sevaman, erimsiz dunyo ko'zimga qorongu. Topinglar, qidiringlar erimni
— Xonim, sal o'zizni bosib oling. Bir boshidan ayting, eriz qachon yo'qoldi?
— Bir haftacha bo'ldi yo'qolganiga, shu bugunoq topasizlarmi?
— Nimaga aynan bugun topishimiz kerak?
— Bugun erimni oylik oladigan kunida - debdi.

Yangi kiyov qaynonasiga telefon qilayabdi:
— Oyi qizingizni olib keting! Qizingiz menga yoqmadi. Arang bir oy chidadim. Menga bunaqa xotin kerakmas!
Qaynona:
— Voy sho'rim qursin. Kuyov bola har qanaqa olingan mahsulotni 3 kun muddat ichida qaytarish kerak. O'z vaktida qaytarilmagan mahsulotga ishlab chiqaruvchi javobgar bo'lmaydi!

Baliq daryoga cho'milishga borib, cho'kib o'lib qolibdi.

Buvi:
— Bolajonim, yo'talganingda, og'zingga qo'lingni tutib tur, ho'pmi?
Nabira:
— Qo'rqmang, buvijon, mening tishlarim siznikiga o'xshab chiqib ketmaydi.

Qiz onasi bilan doktorga boribdi. Doktor qizga:
— Echining, tekshiramiz, - desa
Qiz:
— Men emas, oyim kasal, - desa
Doktor:
— Qani opajon og'zingizni ochib: "A-A-A" - dengchi dermish.

Afandi kasal bo'lib tabibga borgan edi, g'oz sho'rva ichishni buyurdi. G'oz sotib olishga qurbi etmaganidan Afandi elkasiga kamalakni osib, beliga ikkita nonni tugib, ko'lga g'oz ovlagani bordi. Qarasa, ko'lda g'oz ko'p, biroq u kechgacha urinsa ham, bironta g'oz ovlayolmadi. Nihoyat charchab, och qolib ko'lning suviga non botirib eya berdi. Shu vaqt bir ovchi kelib:
— Ha, Afandi nima qilib o'tiribsiz!—so'radi.
— G'oz sho'rva ichayotibman,— javob berdi Afandi.
— Go'shti qani, yo'q-ku?
— Go'shtini tuzlab patiga o'rab qo'ydim, huv, ana!— deb uchib ketayotgan g'ozlarni ko'rsatdi Afandi.

Afandi bilan Vali bir boynikiga ziyofatga borgan ekan. Ziyofat chog'ida Afandi ko'z qiri bilan Vali tomon qarasa, Vali sekin tilla qoshiqni kostyumining ichki cho'ntagiga solayotgan ekan.
Afandi biroz fursat o'tkazib, o'rtoqlar "men fokus ko'rsatmoqchiman", deb hammani o'ziga qaratib, davom etibdi:
"Hozir mana bu qoshiqni shundoq cho'ntagimga solib, Valini cho'ntagidan chiqarib beraman", - degan ekan.

Bir odam uyiga yolg'on gapirsa uradigan robot olib kelibdi. O'sha kuni o'g'li kech kepti, otasi qaerda yuribsan, - desa.
— O'rtog'im bilan dars qildik, - degan ekan
Shu gapdan keyin robot bolani urib ketibdi.
Buni ko'rgan onasi otasiga qarab:
— Bo'ldi to'xtating dadasi, o'zizni o'g'lingiz-ku, - desa
Robot to'xtab, onasini urib ketibdi.

Maktabga yangi o'qituvchi kelibdi. O'quvchilar uning atrofini o'rab olib, o'z maktablari, sinflari haqida beto'xtov gapira ketishibdi. Sinfdoshlar orqa partada o'tirgan o'quvchini ko'rsatib, o'qituvchiga tanishtirishibdi:
— Manavi Boltavoy-tentak bo'ladi.
Mana unga 500 so'mlik va 1000 so'mlik pulni bersangiz u doim rangi qizil bo'lgani uchun 500 so'mlikni oladi.
Bolalar Boltavoyni chaqirib, o'qituvchiga namoyish qilish uchun 500 so'mlik va 1000 so'mlik pul uzatishibdi. Boltavoy haqiqatdan ham 500 so'mlikni tanlabdi. Darslar tugagach, o'qituvchi Boltavoyni kabinetiga chaqiribdi va debdi
— Boltavoy, qarasam — matematikani unchalik yaxshi bilmaydiganga o'xshaysan. 1000 so'm 500 so'mdan ikki barobar ko'pligini nahotki bilmasang?!
— Albatta bilaman!
— Unda nega 500 so'mlikni tanlaysan?
— Muallim, agar men 1000 so'mlikni tanlasam, keyingi safar bolalar menga pul bermay qo'yishadi-da!

Afandining bir savdogar oshnasi uning tilla uzugiga suqlanib yurar edi.
— Afandi,— dedi u bir kuni — men sizni tez-tez ko'rib turmasam sog'inib qolaman. Uzoq safarga ketyapman, qo'lingizdagi uzugingizni bersangiz, taqib olsam, qachon uzukni ko'rsam, sizni ko'rgandek bo'lib yuraman.
Afandi uzukni berishga ko'zi qiymay, javob berdi:
— Jon birodar, men ham sizni tez-tez ko'rmasam turolmayman, qo'ying, uzuk menda tursin, qachon uzukka ko'zim tushsa: «Do'stim tilaganda bermagan edim» deb sizni eslab yuraman.

<< < 561 562 563 564 565 566 567 > >>

Tavsiya qilamiz

Bosh sahifa