Latifalar

Internet orqali yozma suhbat:
— Isming nima?
— Tumanoy.
— Boshing bilan klaviaturaga urilib ketdingmi, yoki rostdan ham shunaqa ism bormi?
— Bor, ishonmasang ana ism.uz dan ko'r.

Jinnixona bosh shifokoriga muxbir savol bermoqda:
— Bemorlaringiz sog'ayganini qanday bilasiz?
— Vannaga suv to'ldiramiz va yoniga qoshiq bilan kosa qo'yamiz. Bemorlarni chaqiramiz va kim birinchi bo'lib vannani bo'shatsa, o'shanga javob berishimizni aytamiz.
— Tushunarli, sog' odam suvni kosa bilan bo'shatadi, shundaymi?
— Yo'q, sog' odam vannaning tiqinini sug'urib tashlaydi.

Ona besh yashar o'g'liga tanbeh berdi:
— Hadeb sakrayvermagin, qorning qatta bo'lib qoladi!
Bola ko'chaga chiqsa homilador ayol turibdi. Sekin yoniga kelib dedi:
— Ana shunday bo'ladi, kamroq sakrash kerak edi.

Bir bangi tolni salqinida pista chaqib o'tirgan ekan, qo'lidan bir dona pista erga tushib ketibdi. Shunda haligi bangi pistaga qarab:
— Ey, yonimga kel, - debdi.
Lekin pista joyidan qimirlamabdi.
Shunda bangi:
— Ey, yonimga kel deyabman, - debdi.
Lekin pista joyida turoveribdi.
Shundan keyin haligi bangi 5-6 ta pistani erga sochib:
— Hoy, menga anavi pistani ushlab kellaring, - debdi.

Bir odam kechki ziyofatdan mast bo'lib kelib uxlab qolibdi. Ertalab derazasi taqqillarmish. O'rnidan turib mastlikda deraza deb ko'zguni oldiga borib:
— Senga nima bor? Bor yo'qol alkash, - dermish.

"Odno"da sevishib qolganlarni telefondagi suhbati:
— Salom, siz "odno"dagi "Jajjigina qizaloq adasini erkasi" misiz???
— Ha, menman(past ovozda pichirlab)
— Men, Farhod akangizman tanidingizmi? Telefon nomeringizni bergandiz.
— Tanidim(pichirlab)
— Nega pichirlab past ovozda gapirayapsiz???
— Voy, yonimda nevaram uxlayotgandi, uyg'onib ketmasin, - dermish

Bir yigit og'aynisini uyida ujas kino ko'rib turib, soatiga qarasa 23:55mish.
— Kech bo'lib ketibdi-ku, og'ayni meni katta yo'lgacha kuzatib qo'ysangchi, - debdi.
Yarim yo'lga etmaslaridan mehmon tomda turgan sharpani ko'rib qolibdi. Sharpa huddi qiz bolaga
o'xsharmishu, yuziga qanaqadir nur tegib turganmish. Mehmon:
— Og'ayni orqaga qaytamiz, qara tomni tepasida vampir bor ekan, - desa
Og'aynisi tomga qarab:
— Bu vampir emas, qo'shnimizni qiziku. Telegram'ga kiraman deb antenna qidiryapti, - dermish

Uch botirni otasi, bolalarini uylamoqchi bo'lib:
— Boringlar, o'zlaringa qayliq topinglar, - debdi
Uch o'g'lon yo'lga chiqibdi va kattasi bir qizni ko'rib:
— Sizlar ketaveringlar, men shu erdan qaytaman, - debdi
Ikkinchi o'g'lon yo'lga tushibdi. Ikkinchi o'g'il ham bir qizni ko'rib, u ham:
— Sen ketaver men ham, shu bilan qaytaman, - debdi
Kichik botir yo'lida davom etibdi, juda ko'p qizlarni ko'ribdi. Har qiz chiqqanda:
— Sendan zo'ri chiqadi, - dermish.
Toqati toq bo'lgan oti, bir qizni ko'rib:
— Sen ketaver, men ham shu erdan qaytaman, - deb gapirib yuboribdi.

Bir bolakay homilador ayolni oldiga kelib:
— Xola, xola siz rostan ham bolezni yaxshi ko'rasizmi?
Ayol:
— Ha, albatta
Bola:
— Unda uni nega yutib yubordiz, - debdi

Poshsho bir o'lkaga yurish qilish oldidan Afandiga buyurdi:
— Eb-ichib yotish etar endi, sen ham yurishga tayyorlan, Davrimiz — qilich, kamon, o'qlar asri, gap-so'zniki emas. Bu yurishda men bilan birga bo'lasan!
Afandi yurishdan qoldirishini so'rab qancha yalinmasin natija chiqmadi. Oxiri u nochor bir kamonni elkasiga ilib, eshagiga minib poshshoning huzuriga etib keldi. Bu ahvoldan ajablangan poshsho kulib undan so'radi:
— Afandi, bu nima qiliq? Nahotki, ot topolmay eshak minib kelgan bo'lsang?
— Iloji bo'lmadi, shohim, eshagim yalinib: «Poshshoning sendan ajralgusi kelmasa, men ham sendan ajrala olmayman, sen qaerda bo'lsang, birga borishim kerak», - deb turib oldi.
Afandining tixirligini ko'rgan poshsho atrofdagilarga ham ta'sir qilish maqsadida:
— Yaxshi kamon olibsanu o'qing ko'rinmaydi.
— Uq menda yo'q.
— Dushmanni nima bilan otasan?
— Bizga otgan o'qlarini terib olib, o'zlariga otaman,
— Ahmoq ekansan, agar dushman bizga qarshi sira ham otmasachi?
— Agar dushman bizga qarshi otmasa, juda yaxshi, unda urush bo'lmaydi! Menga o'qning nima keragi bor,— javob berdi Afandi.

<< < 562 563 564 565 566 567 568 > >>

Tavsiya qilamiz

Bosh sahifa