Afandi bir qurumsoq boyda qarollik qilar edi. Bir kuni boy mehmonga ketaetib, Afandiga qiladigan ishlarni tayinladi:
— Qo'y, sigir, tovuqlarga yaxshi qara! Tovuqlarning boshi erdan, mol, qo'ylarning boshi oxurdan uzilmasin! Hovli sahnini tozalab, yog' tushsa yalagudek qilib qo'y!
Xo'jayin ketgach, Afandi tovuqlarni parvarish qila boshladi, har qancha don bersa ham tovuqlar uni eb bo'lib, darhol boshini erdan ko'tarar edilar. Achchig'langan Afandi tovuqlarni tutib hammasining boshini uzib, erga tashladi «mana, endi erdan ko'tarilmaydigan bo'ldi» dedi o'z-o'ziga. U molxonaga kirib, qo'y, mollarni parvarish qila boshladi. Ammo ular ham em-xashakni eb bo'lib, boshlarini oxurdan ko'tarishar edilar. Afandi hayvonlarning ham boshini kesib, oxurga tashladi va «endi, oxurdan ko'tarilmaydigan bo'ldi», dedi o'zicha. Bu ishlardan bo'shagach, hovlini supurdi-da, boyning xumdagi yog'ini eritib erga sepdi. Ishlarni saranjomlagach, endi dam olishga o'tirgan ediki, boy qaytib keldi, ahvolni ko'rib baqirdi:
— Bu nima qilganing, haromzoda!
— Xo'jayin, topshiriqlaringizni jonu dil bilan bajardim, mana, mollarning boshini oxurdan, tovuqlarning boshini erdan uzilmaydigan qilib qo'ydim. Hovlingizni shunday tozaladimki, ishonmasangiz, mana yog' ham sepdim, yalab ko'ringchi,— dedi Afandi
Tush.UZ - Tushlar tabiri