Latifalar

Marshrutkada bir qiz barmog'i bilan oynani g'irchillatibdi. Orqa o'rindiqda o'tirgan chol:
— Qizim ovozini o'xshatding, endi hidini nima qilamiz? - debdi

Ona-tili darsida o'qituvchi oxirgi partada sarimsoq eb o'tirgan boladan:
— "Ovchi miltiq o'qladi" - degan gapni kelasi zamon fe'lini topchi, - desa.
Haligi bola:
— Gumburrr-gummbuurrr, - dermish.

Bir chol ikkinchisiga maqtanibdi:
— Eshmat, men yoshligimda qanaqa bo'lsam hoziram xuddi shunaqaman.
— Ollaa, Toshmat, ja oshirvordin-ku.
— Ishonmaysanmi? Huu anavi xarsang toshni ko'ryapsanmi? O'sha toshni yoshligimdayam ko'tarolmasdim, hoziram ko'tarolmayman.

Afandi bog'ida o'tin qilib, kechqurun boltasini elkasiga tashlab ketayotgan edi, yo'lda bir hovlidan it chiqib, Afandiga tashlandi. Afandi bolta bilan itni chopib o'ldirdi. Itning egasi chiqib Afandini tutdi:
— It sizni talagan ekan, boltaning sopi bilan urib haydasangiz ham bo'lar edi-ku!
— It dumi bilan qopsa, boltaning sopi bilan urar edim, beti bilan qopgandan keyin, men ham boltaning beti bilan chopdim-da! O'zidan ko'rsin!

4 ta boyvachcha do'stlar har kuni bitta restoranda bitta stolda ovqatlanar ekan. Har safar bitta ofisiant xizmat qilarkan.
Ular har safar vilka, pichoqni berkitib qahvani to'kib yuborib, ofisiantning ustidan kulisharkan.
Bir kuni ofisiantni chaqirib:
— Bizni kechir, senga ko'p behurmatlik qildik. Sen bu qiliqlarimizga parvo ham qilmay xizmat qilding, -deyishibdi.
Ofisiant:
— Bo'pti, endi men ham qahvaga tupurmayman, idishlarni unitazda chayqamayman, - debdi.

Uchta kampir gaplashib o'tirishibdi.
Birinchi kampir:
— Yoshim 60 ga chiqdi, bittayam tishim tushmagan, tuf-tuf ko'z tegmasin, - debdi.
Ikkinchi kampir:
— Yoshim 65 ga chiqdi. Sochlarim huddi yoshligimdagiday qalin, qora. Tuf-tuf ko'z tegmasin, - debdi.
Uchinchi kampir:
— Maqtanishga boshqa narsa topolmadilarmi? To'g'ri yoshim silarnikidan ancha katta. 70 daman, tishlarim allaqachon to'kilib, sochlarim ham oqarib yotibdi. Lekin haliyam man qiz bolaman. Tuf-tuf ko'z tegmasin, - dermish.

Bir qiz ko'chada ketayotsa, o'g'ri qizni bir qo'lini kesib ketibdi. Milisiya xodimi kizdan:
— Nega bir qo'lizni kesib ketishdi?
Qiz:
— Qo'limda tilla uzuk va tilla braslet bor edida.
Milisiya:
— Nega baqirmadiz? Odamlarni yordamga chaqirmadiz?
Qiz:
— Bari tishlarim tillodan, boshimni olib ketishsa, o'laymi? - dermish.

Er xotiniga yalindi.
— 20000 so'm ber…
— Yo'q, bersam yana ichib qo'yasan.
Kechqurun xotin ishdan kelib qarasa, uyda g'ozlar yo'q.
— Xoy, er, g'ozlar qani?
Shirakayf er:
— G'ozlar janubga uchib ketishdi. Agar 20000 so'm bermasang, qo'ylar ham toqqa chiqib ketishadi.

Bir Andijonlik okaxonimiza Angliyadan qo'lida bir chemadan pul bilan kelsa, bojxona xodimlari qiziqib so'rashibdi:
— Aka, o'zi Angliyaga 2 kunga borib kelgan bo'lsangiz, qaerdan shuncha pul ishladiz?
— Kartadan yutib oldim, - dermish
— Qanaqa qilib?
— Skverda ketayotsam, 2 ta Anglichan suvara o'ynab o'tirgan ekan. Keyin biri manda 21 desa, ikkinchisi yutqazdim deb pul beribdi.
Men hayron bo'lib:
— Nimaga bu kartasini ochmasayam, yutqazdim deb pul tutqazdingiz? - desam.
— Bizda djentelmenning so'zi qonun, - deb aytdi.
Buyog'i endi, okalar, ishanavering bo'lib ketdi.

Maktabda e'lon: "Ota-onalar majlisi soat 3 da boshlanadi. Kirish bepul. Chiqish 5 ming so'm."

<< < 609 610 611 612 613 614 615 > >>

Tavsiya qilamiz

Bosh sahifa