Latifalar

Bir podshoh she'r yozib saroy ahliga o'qib beribdi. Hamma maqtabdi. Faqat Afandi jim turganmish. Podshoh:
— Sen nima deysan?, - desa Afandi:
— Bunaqa rasvo she'rni eshitmaganman, - debdi.
Podshohni jahli chiqib, zindonga tashlabdi. Bir haftadan keyin Afandini shohni yoniga olib borishibti. Podsho yangi she'rni o'qib berib, — Qalay chiqibdi?, - desa, Afandi indamasdan o'girilib ketayotganmish.
Podshoh:
— Qayoqqa?, - desa, Afandi:
— Zindon qaerda edi, - dermish.

Telefonda tanishib qolgan yigit va qiz suhbatlashishmoqda:
— Yaxshi qiz, bo'yingiz balandmi?
— Bo'yim 145 santimetr.
— Voy, jajjigina malika ekansiz-da... Vazningiz-chi?
— Vaznim undan ham kamroq 130.

O'qituvchi “Yashash uchun kurash” mavzusida dars o'tmoqda:
— Aytinglar-chi, kimsasiz orolga o'zingiz bilan nima olib ketgan bo'lardingiz?
— Men och qolmaslik uchun bir qop bug'doy olib ketardim, - debdi Ma'ruf.
— Men esa bitta xizmatkor va sharob tayyorlash uchun uzum ko'chatini olib ketgan bo'ladim, - dermish Sharif.
Shunda Xamid o'rnidan turib:
— Men orolga o'zim bilan Ma'ruf va Sharifni olib ketgan bo'lardim, - degan ekan.

Ikkita jinni kasalxona tomiga chiqib olib, — “O'n bir, o'n bir”, - deb baqirar emish. Bosh vrach pastda turib:
Hoy, nega baqiryapsizlar?, - desa, jinnilar:
— Bu yoqqa chiqing, aytamiz, - deyishibdi.
Bosh vrach tomga chiqishi bilan, jinnilar uni pastga itarib yuborishibdi-da:
— O'n ikki, o'n ikki, - deb baqira boshlashibdi.

— Salom o'rtoq! Bandmasmisan?
— Yo'g'-e, bo'shman, ishdaman!

Er-xotin supermarketdan ikkita aravachani to'ldirib, xarid qilishibdi. Kassani yoniga kelishsa, xotini:
— Voy adasi shoshmay turing! Hojatxona qog'ozini unutibmiz. Hozir ELMA dan olib chiqay desa, harajatni ko'rib, jahli chiqib turgan eri:
— Kerakmas, hozir chek qog'ozi ellik metr bo'ladi, - dermish.

Bir kuni geografiya o'qituvchisi globusni ko'rsatib:
— Soliev Afrika qani?, - desa Soliev:
— Men olmadim ustoz, - debdi.
O'qituvchi yana so'rabdi:
— Soliev Afrikani menga topib ber!
Soliev:
— Ustoz rostini aytyapman, men olmadim.
Shunda o'qituvchi:
— Bor, dadangni chaqir!, - debdi. Dadasi kelgach:
— O'g'lingizga Afrikani ko'rsat, qani deb so'rasam, men olmadim deydi. Bunga nima deysiz?, - debdi.
Dadasi o'g'liga o'girilib:
— O'g'lim, olgan bo'lsang, qaytib ber!, - dermish. Aqldan ozay degan ustoz ota-bolani qo'shnisini ko'chada ko'rib qolibdi-da, bo'lgan voqeani gapirib bersa, qo'shnisi:
— O'zi bular shunaqa, olgan narsasini qaytarib berishmaydi, - dermish.

Yarim kechasi kiyimsiz, yalong'och odam barga kirib, aroq so'rasa, sotuvchi unga qarab turganmish.
Shunda boyagi odam:
— Nima?, Yalong'och odam ko'rmaganmisan?, - desa, barmen:
— Yo'q, shunchaki, pulni qaerdan olib berishingizni o'ylayapman, - dermish.

Maktabda o'qib yurganimda dam olish kunlarini orziqib kutardim. Yakshanba — dam olardim.
Institutda o'qigan paytimda menga baribir edi. Chunki faqat sessiya vaqtida o'qirdim.
Hozir menga umuman farqi yo'q. Chunki bir yilda 365 kun ishlayman.

Er-xotin gaplashib o'tirishsa, telefon jiringlab qolibdi.
Er:
— Agar meni so'rashsa, uyda yo'qlar deb aytgin, - debdi.
Xotin borib telefon go'shagini ko'tarib:
— Allo, yo'q, erim uydalar, debdi.
Eri jahli chiqib:
— Ahmoq, meni uyda yo'q, deb aytgin dedim-ku senga, - desa, xotin bamaylixotir dermish:
— Nega jahl qilasiz? Axir telefon sizga bo'lmadiku, - dermish.

<< < 668 669 670 671 672 673 674 > >>

Tavsiya qilamiz

Bosh sahifa