Latifalar

Bir ayol to'rt yoshli o'g'li bilan dam olishga boribdi. U erdan qaytgach, eriga maqtana boshlabdi:
— Rossa mazza qilib dam oldim. Bilasizmi adasi, u erda "Mehnat qahramoni" bilan tanishib qoldim, - deb tursa, o'g'li:
— Qanaqa qahramon? Qo'rqoq amaki ekan-ku! Bir o'zi qo'rqib, bizni xonamizda yotdi ada...

Imtihonda domla talabaga savol beryapti:
— Besh karra besh?
Talaba qo'lidagi shpargalkaga qarab:
— Yigirma besh!
Domla ham qo'li ostidagi shpargalkaga qarab:
— To'g'ri! Olti karra olti?
Talaba yana shpargalkaga qarab:
— O'ttiz olti!
Domla ham shpargalkaga qarab:
— To'g'ri! Etti karra etti?
Talaba endi shpargalkaga qaramoqchi bo'lgandi domla uning qo'lini ushlab qoldi. Talaba o'ylanib:
— Qirq etti, - dedi.
Domla endi shpargalkasiga qaramoqchi edi talaba xam uning qo'lidan ushlab qolsa, domla ko'p o'ylamay:
— To'g'ri, - dermish.

— Zerikdingizmi? Sirlaringizni kimga aytishni bilmayapsizmi? Barcha sirlarni ochib, o'zingizni engil his qiling! 102 qisqa raqamiga qo'ng'iroq qilib, barchasini ro'y-rost gapirib bering!

Bir savodogar o'g'li bilan futbol ko'rib o'tirsa, o'g'li so'rabdi:
— Dada, nega o'yinchilarning narxlarini orqasiga yozib qo'yishgan?
- .....?

Jahon moliyaviy inqirozi jarayonida ikki iqtisodchi bir-biri bilan suhbatlashyapti:
— Og'ayni shu kunlarda kechalari umuman uxlay olmayapman. Inqiroz qattiq ta'sir qildi menga. Sizchi, sizda qanday kechyapti?
— Men chaqaloqlardek uxlayapman.
— Yo'g'-e?
— Ha, har 10 minutda uyg'onib, yig'lab-yig'lab olyapman.

Komp'yuter dasturchisi pianinoning oldiga kelib, uni uzoq ko'zdan kechirib, dermish:
— Klaviatura noqulay. Bor-yo'g'i 84 ta klavishalar bor, ularni-yam yarimidan ko'pi funksional klavishlar. Hech qaysida yozuvi yo'q. Lekin «Shift»ning oyoq bilan bosilishi zo'r ekan.

— Agar yana ichadigan bo'lsangiz jigaringiz bilan xayrlashavering.
— Alvido jigarim, alvido !!!

— Sobir, do you speak English?
— Nima?
— Qodir, do you speak English?
— Nima?
— Saida, do you speak English?
— Yes? I do!
— Nima?

Onasi qiziga debdi:
— Qizim, seni yaxshi tarbiyaladik, konservatoriyada o'qitdik! Nimaga shu taksi haydovchisiga tegmoqchi bo'lyapsan?
— Chunki ular hurrakni lya minorda otadilarda shunga.

Bir kuni xotini eriga:
— Dadajonisi, meni hozir ham avvalgidek yaxshi ko'rasizmi?
— Yo'q, unchalik emas.
— Voy, nima uchun?
— Keyingi paytda ko'zim yaxshi ko'rmayapti.

<< < 665 666 667 668 669 670 671 > >>

Tavsiya qilamiz

Bosh sahifa