Latifalar

Kollej o'quvchisining dars vaqtida hayol surib o'tirganini ko'rgan ustozi:
— Hoy, Eshmat! Darsga quloq solmay, nimalarni o'ylab o'tiribsan?!
Eshmat:
— Stipendiyamni hisoblayabman.
Ustoz:
— Kollejda stipendiya olmaysan-ku?!
Eshmat:
— Dastingizdan orzu ham qilib bo'lmaydi-ya...

Bir bemor dorixonaga kirib:
— Iltimos, yo'talga qarshi samarali dori bersangiz?
Sotuvchi bemorga ichni suruvchi dori beribdi.
Bemor:
— Men yo'talyapman, qabziyat bo'lganim yo'q!
Dorixonachi:
Shu doridan ichib yursangiz, yo'talishga ham qo'rqib qolasiz...!

Travmatologiya kasalxonasidan chiqqan bemor taksiga o'tirgach:
— Faqat sekinroq haydang, iltimos! Kecha shu erda meni mashina urib yuborgan edi, - desa, haydovchi bemorga o'girilib:
— Ie, tanimabman sizni..., - dermish.

Ikki og'a-ini suhbatlashmoqda:
— Eshitishim-cha xotining mashinasini urib olganmish...?!
— Ha.
— O'zi-chi, tirikmi ishqilib?
— Hozircha tirik..., Hammomda, berkinib o'tiribdi...

Er-xotin janjallashib qolishibdi.
Xotin:
— Ming la'nat sizga! G'irt ahmok ekansiz!
Er:
— Ha, bo'lmasa senga uylanarmidim...?!

Qora tanli bilan oq tanli suhbatlashmoqda. Qora tanli gap boshlabdi:
— Men bir narsani hecham tushunmayman. Tug'ilganimda tanam qora edi. Qora bo'lib voyaga etdim. Oftobda toblansam ham rangim o'zgarmaydi, isib ketsam ham, sovuqotsam ham qoraman. Betob bo'lganimda ham o'sha-o'sha... bo'laman.
Siz oq tanlilar tug'ilganingizda rangingiz pushti edi, oftobda toblansangiz jigarrang, isib ketsangiz qizarib, sovuqotsangiz ko'kimtir tusga kirasizlar. Mazangiz qochsa, tanangiz yashil bo'ladi, o'lganingizdan keyin kulrang bo'lib qolasizlar...
Shunga qaramay, sizlar bezrayib bizni "rang-barang" deysizlar-a???

Cho'lda suvsizlikdan tashna bo'lib ketayotgan odamning
yo'lidan quduq chiqib qolibdi.
Quduqni ko'rgan haligi odam quvonganidan, — Suv, suv, - deb baqirgancha quduq tomon yuguribdi. Shu payt quduq ichidan bir odam otilib chiqib:
— Qani suv? Qani?! - debdi.

Bir ayolning telefoni jiringlab qolibdi.
Ayol go'shakni ko'tarib:
— Allo! – debdi.
Bir odam:
— Farzandlaringiz bizni qo'limizda! - desa,
Ayol qo'rqib ketib, yalina boshlabdi:
— Barcha shartlaringizga roziman! Iltimos, faqat bolalarimni qaytaring???
Shunda haligi odam:
— Esingizni eganmisiz...?! Tezroq keling, hademay bog'cha yopiladi, – dermish.

Bir qo'li yo'q nogiron tushkunlikdan yig'lab o'tirgan ekan, narirokda ikkala qo'lidan ham mahrum bo'lgan bir odam tinmay raqsga tushayotgan emish. Bir qo'llik nogiron yaqinroq kelib, so'rabdi:
— Mening bir qo'lim yo'qligidan xudoga nolib o'tirsam-u, sen ikkala qo'ling bo'lmasa ham hadeb raqsga tushasan?
Ikki qo'li yo'q debdi:
— Ko'p gapirmasdan elkamni qashib qo'ysang-chi...?! Boyadan beri qiynalib ketdim...

Biri soat o'g'irlab, ikkinchisi esa sigir o'g'irlab qamalgan ikki mahbus qamoqxonada uchrashib qolishibdi. Sigir o'g'risi kinoyali ohangda:
— Xo'sh, yangi soatimiz necha bo'ldi? – deb so'rasa,
Soat o'g'risi:
— Sigir sog'adigan payt bo'ldi...! – degan ekan.

<< < 684 685 686 687 688 689 690 > >>

Tavsiya qilamiz

Bosh sahifa