Latifalar

Bir kuni uchta fil mashinada ketayotishsa, bitta chumoli to'xtatib:
— Meni-yam olib ketinglar, - desa, fillar:
— Joy yo'q, - dermish.

Toshkent havo judayam sovuq. Ikki erkak turgan ekan, biri juda bahaybat it bilan, ikkinchisidan so'rabdi:
— Isinib olishni xohlaysanmi?
— Xohlayman
— Fas!!

Samsung korporasiyasi mobil telefonning navbatdagi modelini e'lon qildi. Endi bu oddiy bomba bo'ladi!!!

Ikkita gadoy kechada o'tgan-ketganlardan sadaqa so'rab o'tirishgan ekan, bir yigit yonlaridan ularga salom berib o'tibdi. Shunda gadoylardan biri ikkinchisiga:
— Yaxshi bola ekan, nega pul so'ramading?
Ikkinchi gadoy esa:
— Ey, kaltafahm, agar puli bo'lsa salom berarmidi...?!

Ikki og'ayni tikoda bir do'kon yoniga kelib to'xtashibdi. Mashinani egasi tikoni eshigini qulflayotsa, o'rtog'i unga qarab:
— Bu eski aravang kimga-yam kerak?! - desa, do'sti:
— O'tgan safar mashinamni ichiga axlat tashlab ketishibdi. Shunga qulflab qo'ymoqchiman-da..., - dermish.

Ikki dugona kinoga ketishayotganda, yo'llaridan bir erkak chiqibdi. Dugonalardan biri haligi erkak bilan juda iliq so'rashibdi.
Shunda ikkinchisi:
— Buncha uzoq salomlashmasang, kim bu o'zi? – deb so'rasa,
Dugonasi:
— Shunchaki, ikkinchi erimning, birinchi xotinini, uchinchi eri bo'ladi! – degan ekan.

Bir hayolparast erga qarab, hayol surib ketayotsa, boshi qars etib simyog'ochga urilibdi. Qarasa, simyog'ochga shunday deb yozib qo'yilgan ekan:
"Simyog'och tepasidagi tugunda bir million pul bor. Olsang, seniki! Agar ololmay, yiqilib tushsang, ovozing ayol kishini ovoziga aylanib qoladi.
Hayolparast kishi ololmay yiqilib tushibdi-yu, rostdan ham ovozi ayol kishinikiga o'xshab qolibdi.
Hafa bo'lib tursa, nariroqda bir erkak kelib qiz bolani tovushida:
— Ololmasangiz, nima qilardingiz chiqib? - dermish.

Bir akaxon qizil mersedesni minib olib, katta ko'chaning o'rtasida, 150-170 tezlikda ketayotsa, yonidan bir jism yashin tezligida o'tib ketibdi.
Hech narsaga tushunmagan akaxon, gazni oxirigacha bosib, uni quvib etibdi. Qarasa, rangi oqarib ketgan bir odam o'tirgan emish.
— Menga qarang, nima balo, motoringiz samolyotnikimi?, – co'rabdi akaxon.
Boyagi odam bo'lsa:
— Qayoqdan bilay...?! Shunchaki, ’’amerikanskiy gorka”da uchib ko'rmoqchi edim...! – dermish.

Rahbariyat oylik ish haqqini kamaytirmaydi. Haqiqiy baxt pulda emasligini bot-bot ta'kidlab turadi.

Yangi oila qurgan yosh er-xotin farzand ko'ravermagach, keksa bir donishmandning yoniga borishibdi. Donishmand ularga baland tepalikdagi niyat daraxt uchiga, bir parcha latta bog'lab qo'yishni uqtiribdi.
Bir necha yildan so'ng, boyagi donishmand er-xotindan xabar olgani kelsa, eshikni bir gala bolakaylar ochishibdi.
— Onangiz qaerda? – so'rabdi donishmand.
— Tug'ruqxonada, – javob berishibdi bolalar.
— Otangiz-chi?
— Tepalikdagi daraxtdan lattani echgani ketgandilar...! – dermish.

<< < 685 686 687 688 689 690 691 > >>

Tavsiya qilamiz

Bosh sahifa