Latifalar

Professor tibbiyot talabalariga murdani ko'rsatib so'ramoqda:
— Ho'sh Naimullo, bu murda nima sababdan vafot etgan?
— Domla, infarktdan o'lgan.
— Adashding! Ravshanbek sen ayt-chi?
— Domla, u aroqni ko'p ichganidan jigari shishib o'lgan
— Qoyil Ravshanbek. Qaerdan bilding buni?
— Nahotki qo'shnimiz Xayrullo amakini tanimasam...!?

Hind kinolaridagi qahramonlardan o'rnak olish kerak! Bir talay muammosi bo'la turib, ashula aytib, raqs tushib yurishadi-ya...

Mayxonada aroq ichib, kayfiyatsiz o'tirgan kishi yoniga bir odam kelib:
— Nima bo'ldi og'ayni? - debdi.
— Xotinim bilan urushib qoldim. Men bilan o'n kun gaplashmas ekan...- desa, boyagi odam:
— Ahvoling chatoq ekan-ku! - debdi.
U kishi yana aroqdan ichib:
— Gapirma! Bugun oxirgi kun, - dermish.

Bir kishi xotini vafodor ekanini tekshirmoqchi bo'libdi. Ishga ketgandek bo'lib, ko'chada berkinib tursa, xotini chiroyli kiyinib, uyidan chiqibdi-yu, bitta mashinaga o'tirib ketibdi.
Eri ham bildirmasdan, taksiga o'tirib, sekin o'sha mashina orqasidan ketaveribdi.
Xotini borib, bir tungi klubga kirib ketibdi. Boyaga erkak taksichiga:
— Og'ayni, anavi kirib ketgan ayol, mening xotinim bo'ladi. Shundoq ichkariga kirgin-da uni olib chiq, istagan pulingni beraman, - debdi.
— Gap yo'q, hozir olib chiqaman! - deb kirib ketibdi. Birozdan keyin taksichi bir ayolni qo'lidan ushlab olib chiqib, — Aka, mana buni ushlang! - desa, er:
— Esing joyidami? Bu meni xotinim emas-ku! - debdi.
— Siz ushlab turing, qo'yib yubormang! Bu mening xotinim. Hozir siznikini olib chiqaman, - dermish.

Merlin Monroning surati hanuzgacha reklama plakatlarida uchraydi. Odamlar o'lganidan keyin ham ishlab yurishibdi. Meni xotinim tirik bo'lsa ham ishsiz!!!

Yosh bola do'konga kirib:
— Asal bering, - deb sotuvchiga idishini uzatibdi.
Sotuvchi idishni asalga to'ldirgach, bolakay unga:
— Pulini adam kechqurun berib ketadilar, - debdi. Jahli chiqqan sotuvchi, — Yo'q, - debdi-yu, asalni qayta to'kib olibdi.
Do'kondan chiqqan bolakay qo'lidagi idish ichiga qarab:
— Adam rost gapirgan ekanlar. Bu erda ikkita nonga surtsa etadigan asal chiqadi, - dermish xursand bo'lib.

Yoqilg'i quyish shahobchasiga engil mashina to'xtab, ichidan bir olifta ayol tushib, kassaga pulini to'lab, kelib qarasa, mashinani eshigi qulflanib qolibdi. Kalit esa mashinani ichida qolib ketgan ekan. Shu erda ishlaydigan yigit ayolni qo'liga sim berib, oynasini tirqishidan tiqib, eshikni ochishi mumkinligini aytibdi. Bir payt qaytib kelib qarasa, boshqa bir mashina egasi, erkak kishi qotib kulayotganmish. Sababini so'rasa, haligi erkak:
— Anavi ayol mashinasini oynasidan sim tiqyapti, eshikini ochaman deb, - debdi.
Yigit bo'lsa:
— Eshigi berkilib qolgan ekan, men aytdim. Shu kulgilimi? - desa, erkak yana kulib:
— Mashinani ichida dugonasi bor ekan, simni qaysi tomonga tiqishni ko'rsatyapti, - dermish.

— Qizingizga bunday yomon so'zlarni, qarg'ashlarni kim o'rgatyapti???
— Turqi qursin, juvarnamak, ... qayoqdan bilay...!

Maktab saytidagi e'lon:
"Planshet sotaman. Arzon bahoda".
E'lon tagidagi birinchi izoh:
"Mavluda Azizovna, darsdan keyin qaytarib beraman degandingiz-ku!!!"

Bir odam ayolini tug'ruqxonaga shoshilib olib ketayotsa, yosh yigit ularni mashinasini to'xtatib:
— Iltimos, qarashib yuboring. Itarib yuborsangiz bo'ldi..., - debdi.
Shoshilgan er, — Yo'q, - desa, xotini:
— Boraqoling adasi. Sizni ham avtomobilingiz tez-tez buzilib turadi. Mayli mashinasini itarib keling. Men kutib turaman, - debdi.
Boyagi yigit erkakni besh chaqirim nariga olib borib, bolalar maydonchasiga etgach:
— Mana shu kachelyaga o'tiraman, itarib yuborasiz..., - dermish.

<< < 691 692 693 694 695 696 697 > >>

Tavsiya qilamiz

Bosh sahifa