Latifalar

— O'g'lim, bor, qo'shnimizdan bolg'asini so'rab tur!
...— Berishmadi ada...
— Odamlar muncha ziqna bo'lishmasa. Biror joyi kamayib qoladimi!? ...Kir, ichkaridan o'zimizni bolg'ani olib chiq!

— Kecha kayfing oshib qoldi, o'rtoq...
— Ha, nimalar deb baqirdim o'zi? Eslay olmayapman!
— "Tashqariga chiqmoqchiman, menga eshikni olib keling!" deb ofisiantga rossa o'dag'aylading...

Xotin eriga:
— Ovqatlanib oldingizmi? – debdi.
Eri bo'lsa, xotinining jig'iga tegib:
— "Ovqatlanib oldingizmi?" – debdi.
Xotin:
— Jig'imga tegavermang?! – desa,
Eri yana:
— "Jig'imga tegavermang?!" – deb, javob qaytaribdi.
Shunda xotin:
— Seni juda-yam sevaman. Tug'ilgan kuningga tilla zanjir sovg'a qilmoqchiman! – desa,
Eri:
— Ha. Ovqatlanib olganman... – dermish.

"Biz yoshlarni oliftagarchiliklari orqasidan milliardlar ishlab olyapmiz!"
Apple va Samsung kompaniyalari.

O'qituvchi o'quvchisidan:
— Qani ayt-chi, quloqlar senga nima uchun kerak? – deb so'rabdi.
O'quvchi:
— Ko'rish uchun, – debdi.
O'qituvchi:
— Axir, ko'rish uchun ko'zlaring bor-ku? – desa,
o'quvchi:
— Ha, lekin quloqlarim bo'lmasa, qalpog'im yuzimni berkitib qo'yadi-da...- dermish.

Ertalabki tig'iz payt. Toshkent avtobuslari yo'lovchilar bilan to'la!
— Akrom aka, to'xtab turing! Odam kevatti! - baqiribdi avtobus chiptachisi haydovchiga, uzoqdan yugurib kelayotgan yo'lovchini ko'rib.
Bir-ikki soniya ham o'tmay:
— Akrom aka, haydang, ketdik. Proezdnoy ekan...!

Rossiyalik olimlar Sibirdagi chanalarga itlarni bog'lab harakatlanuvchi odamlarni sinab ko'rish maqsadida, ularga Kamaz berishibdi.
Oradan bir yil o'tgach, olimlar natijani bilish uchun Sibirga qaytishibdi. Olimlar:
— Ho'sh, sizlarga bergan mashinamiz yoqdimi? – deb so'rashsa,
haligi odamlar:
— Ha. Faqat itlarimiz tortishga qiynalishyapti-da... – deyishibdi.

DAN xodimi avtomobilni to'xtatsa, haydovchi kamarni taqmagan ekan.
— Nega kamarni taqmadingiz? - desa, haydovchi tirjayib:
— Siz xursand bo'ling dedim-da, - debdi.

Hamma er-xotinlar urushib qolishsa ham, kun bo'yi bir-biri haqida o'ylab yuraverishadi:
— Erim ablah,...!
— Xotinim zahar...!

Er-xotin urishib qolibdi. Ikkalasi ham hecham gaplashmas ekan. Bir kuni eri vaqtliroq ishga ketishi kerak ekan, yotishdan oldin, qog'ozga "Ertalab soat 7:00 da uyg'ot!", deb yozib xotinining yostig'i tagiga qo'yibdi. Er ertalab uyg'onsa soat 9:00 bo'lganmish. Jahli chiqqan er darg'azab bo'lib, o'zini yostig'ini ko'tarsa, bir parcha qog'oz, qog'ozda esa "Turing, soat 7:00 bo'ldi!", deb yozilgan ekan.

<< < 688 689 690 691 692 693 694 > >>

Tavsiya qilamiz

Bosh sahifa