Latifalar

Bitta odam qo'shnisini hovlisiga kirib, tovuqxonasidan tuxum o'g'irlabdi.
Tuxumni ushlab turib, hayol sura ketibdi:
"Shu tuxumdan jo'ja ochirib, boqib katta tovuq qilaman. Tovuqni sotib, g'oz olaman, g'ozni ham boqib, sotib, qo'y olaman. Qo'yni semirtirib, sotib, buzoq olaman! Buzoqni katta buqa qilib, uni ham sotib, mashina olaman!", deb hayol surib tursa, qo'shnisi kelib qolibdi.
O'g'rini ko'rib:
— Tuxumni joyiga qo'y! - deb baqirgan ekan, tuxum qo'lidan tushib, sinib ketibdi. Shunda haligi o'g'ri odam:
— Mashinamni to'lab berasan! - deb baqira ketgan ekan.

— O'zingizni ikkita so'z bilan ta'riflab bering!
— Kamtar! Aqlli!

Bir odam do'stinikiga mehmonga kelibdi. Do'stini xotini dasturxon tuzab, ovqat olib kiribdi. Mehmon sinchkovroq ekan, do'stidan so'rabdi:
— Do'stim, bu xotiningni qulog'idagi zirakni qaerdan olding. Umrim bino bo'lib, bunaqasini ko'rmaganman.
— E-e, u zirak emas. Tug'ilgan kuniga sovg'a olay desam, hali oylikkacha ancha bor ekan. Kastyumimni tugmasini uzib olib, qulog'iga qadab qo'yganman...

Eng puxta reja:
"Bir gap bo'lar! Borganda, joyida hal qilarmiz!"

Ishdan qaytgan er xotinidan so'rayapti:
— Bugun nimalar qilding?
Xotin:
— Kir yuvdim, ovqat pishirdim, derazalarni yuvdim, uylarni tozaladim. Mana kiyimlarni dazmollab o'tiribman. Agar ertaga internetga pul to'lab kelmasangiz, uyga kiritmayman!!!

Bir kuni o'rmon hayvonlari armiyaga bormoqchi bo'lishibdi.
Tibbiy ko'rikdan o'tish uchun birinchi bo'lib quyon kiribdi. Hafa bo'lib qaytib chiqibdi.
Ayiq so'rabdi:
— Nima bo'ldi quyonvoy?
Quyon:
— Olishmadi. Oldimdagi ikkita tishim uzun ekan... Kel ayiqvoy, seni oldingdagi ikkita tishingni sug'urib tashlaymiz. Seni armiyaga olishadi.
Ayiq tishlarini sug'urib, ko'rikka kirib ketibdi. Birozdan so'ng "Qani quyon?" deb baqirib chiqibdi.
Hayvonlar:
— Ha nima bo'ldi? - deyishsa, ayiq:
— Meni oyoqlarim qiyshiq ekan. Tishlarim emas, - degan ekan.

Bir ofisiant vrach yoniga kelib, shikoyat qilibdi:
— Doktor, tunlari tushimga ish vaqtim kiradi. Menga xo'randalar ovqatlanib bo'lgach, choy puli uzatishsa, men pullarni olmasdan, qo'lim bilan itarib tashlayman, - debdi.
Vrach:
— Sizga qanday yordam berishim mumkin?! Tinchlantiradigan dori yozaymi?
— Yo'q doktor, qo'llarimni sindirib tashlang!

— Do'stim, sigirlar o'tlaydigan o'tloqni bilasanmi?
— Ha, yam-yashil, keng dala!
— Qo'ylar yashaydigan qo'rani-chi, bilasanmi?
— Ha, atrofi taxta bilan o'ralgan...
— Italiyani xaritadagi ko'rinishi qandayligini bilasanmi?
— Yo'q. Nimaga mendan bularni so'rayapsan?
— Shunchaki, geografiyadan ko'ra, sigir, qo'ylarni yaxshiroq tushunishingni isbotlab bermoqchi edim.

— Hozirgi yoshlar juda g'alati kiyinishadi-da! Masalan, mana bu qiz...
— Bu meni o'g'lim!
— Ie, uzr. Siz uni otasi ekaningizni bilmabman.
— Men onasi bo'laman!

Bolakay televizor ko'rib o'tirgan adasini yoniga kelib:
— Ada nima ko'ryapsiz?
— Engil atletika bo'yicha yugurish musobaqasini o'g'lim. Hozir hammasi yuguradi, bittasi g'olib bo'ladi. Ana shu bitta sportchiga sovrinni berishadi.
— Unday bo'lsa qolganlari nega yugurishyapti ada???

<< < 710 711 712 713 714 715 716 > >>

Tavsiya qilamiz

Bosh sahifa