Latifalar

— Sevgi bo'lmagan gap!
— Sevgi bor! Ana Malohatxon misol. Haqiqiy sevishni undan o'rganish kerak.
— Esingni eganmisan? Axir u to'rt marta turmushga chiqdi. Sevishni kelib kelib undan o'rganish kerakmi?! Tavba!
— To'rt martta erga tekkan bo'lsa ham, o'ynashi hamon o'sha bitta odam!

Bir yigit ko'chaga chiqsa tobutni qiyshiq ko'targan olomon kelayotgan emish. Tobutni oldida to'n, do'ppi kiyib, yaqin do'sti yig'lab kelayotgan emish. Haligi yigit yugurib do'stini oldiga borib, hol-ahvol so'rabdi:
— Qaynonamdan ajralib qoldim do'stim, qaynonamdan!
— Tushunarli, unda nimaga tobutni qiyshiq ko'tarib ketayapsizlar?
— Tobutni to'g'ri ko'tarsak, hurrak otib yuborayapti-da!

— Oyijon, skleroz nima u?
— Nimani so'rading o'g'lim?
— Qachon?
— Kimsan hoy bola?!!

Bir yigit o'z xonadonida o'tirgan edi. Eshik qo'ng'irog'i jiringlabdi. Eshikni ochib qarasa, bir qiz turibdi. Yigit:
— Keling, xizmat? - desa, qiz:
— Kechirasiz, men ro'paradagi uydanman. Siz har kuni durbinda meni kuzatib turgan xonadonda yashovchi qizman. Ayting-chi, kecha men telefonimni naushniklarini qaerga tashlab ketdim? - dermish.

Er-xotin aylangani chiqishsa, yo'lda tilanchi o'tirganmish. Er tilanchiga sadaqa berib, undan so'rabdi:
— Chekasizmi?
— Yo'q.
— Ichasizmi?
— Yo'q ichmayman.
— Jazmaningiz-chi bormi?
— Yo'q, - desa, haligi er xotiniga qarab:
— Ko'rdingmi, ichmagan, chekmagan, yurmagan erkakni ahvoli nima bo'ladi?! - dermish.

Vagon kuzatuvchisi Gulmira yo'lovchilardan charchagan vaqtida, ularning choyiga uyqu dori qo'shib beradi.
Agar-da zerika boshlasa, "Ummon"ni qo'shiqlarini qo'yib beradi.

O'qituvchi so'rayapti:
— Ho'sh Asad, do'sting sendan 5000 so'm pul olib, 4000 so'mini sarfladi. Senga necha pul qaytaradi?
— Bir so'm ham qaytarmaydi, ustoz!
— O'tir joyingga, bahoing "ikki"! Matematikani umuman bilmaysan!
— Yo'q ustoz, siz meni do'stlarimni mutlaqo bilmas ekansiz...

Uchta yigit bir kunda uylanibdi. Bir haftadan keyin yigitlar choyxonada yig'ilishibdi.
Birinchi uylangani Malibu haydab kelibdi. Ikkinchisi yangi uy olganini aytibdi. Uchinchisidan:
— Senga qaynotang nima olib berdi? - deyishsa, yigit:
— Meni xotinim ovqat qilish, kir yuvish, dazmol qilish, xullas hamma ishlarni bilar ekan, - debdi.

Usta ishni tugatib:
— Xizmat hakiga aroq bering.
— Pul bersam bo'lmaydimi?
— Pul olishdan qo'rqaman. Pul bersangiz ichib qo'yaman...

Bir yigit mafiya boshlig'ini qizini sevib qolibdi. Bundan xabar topgan otasi xizmatkorlariga yigitni ushlab kelishlarini buyuribdi.
— Meni qizimni tinch qo'yasanmi?
Yigit:
— Men uni sevaman!
Otasi:
— Darhol bunga qizlarni kiyimini kiydirib, lab-yuzlariga ayollar bo'yoqlarini surtib, mahallasiga tashlab ketinglar!
Barzangi xizmatkorlar mashinada olib ketayotishsa, bola yalina boshlabdi:
— Yigitlar, iltimos, meni qo'yib yuboringlar. Unday ish qilib, sharmanda qilmanglar, axir men o'g'il bolaman-ku! Keyin mahallada qanday qilib bosh ko'tarib yuraman?!
Mashina biroz yurgach, bir barzangini telefoni jiringlabdi:
— Labbay xo'jayin!
— Qizimni yana bitta oshig'i bor ekan. Yo'l-yo'lakay uni ham qo'shib olinglar! Uni yaxshilab do'pposlab, tanib bo'lmas qilib, kimsasiz joylarga tashlab ketinglar! - debdi qizning otasi. Buni eshitgan oshiq yigit xushyor tortib:
— Iltimos akalar, menga qizlarni kiyimini kiydirib, lab-yuzlarimga ayollar bo'yoqlarini surtib, mahallamga tashlab ketasizlar! Tag'in anavi ikkinchi bola bilan adashtirib yubormanglar, - dermish.

<< < 713 714 715 716 717 718 719 > >>

Tavsiya qilamiz

Bosh sahifa