Latifalar

Ayiq, quyon va bo'rini harbiy xizmatga chaqirishibdi. Yo'lda uchchalasi voenkomatga ketayotgan ekan. Ayiq aytibdi:
— Kelinglar, kelishib olaylik! Voenkomni oldiga kim birinchi kirsa, u savollarni boshqalarga aytadi. Biz ham shu savollarga javob beramiz. Hammani javobi bir xil bo'lsa, bir joyda xizmat qilamiz, - debdi.
— Osonroq xizmat - bu qurilish batal'oni, - debdi bo'ri.
Birinchi bo'lib quyon kiribdi. Qaytib chiqib, shunday debdi:
— Voenkom tankani, samolyotni, mashinani rasmlarini ko'rsatadi. Bilmayman denglar. Keyin shkafni ichidan g'isht olib stolga qo'yadi. Bu g'isht deb aytinglar. Shunda hammamizni qurilish botal'oniga yozadi. Birga xizmat qilamiz.
Bo'ri kirib-chiqib, — Hammasi joyida, qurilishga, - debdi.
Ayiq kirib ketibdi. Ichkarida voenkom ayiqga savollar beribdi. Rasmlarni ko'rsatibdi. Ayiq bilmasligini aytibdi. Voenkom endi o'rnidan turib, shkafga qarab ketayotsa, — G'isht bor, g'isht bor!, - deb baqiribdi ayiq. Voenkom bo'lsa:
— Qoyil senga! Seni qobiliyating bor ekan. Sen razvedkaga borasan, - debdi.

Dunyodagi 95 foiz qizlar bir xil turdagi yigitni orzu qilishadi:
Ichmaydigan, chekmaydigan, oliyjanob, haddan ziyod tartibli, juda kelishgan, badavlat, quvnoq, farosatli, aqilli, ...
Lekin shuncha ijobiy xislatlari bo'la turib, hanuzgacha bo'ydoq yurgan yigitni hech kim ko'rmagan...!

Oqshom ertagini bu safar o'g'liga otasi o'qib bermoqda:
— Malika juda-yam go'zal ekan... U shunchalar chiroyli edi-ki, shahzoda butun oqshom undan ko'zlarini uza olmabdi.
— Ada, nega shahzoda malikani ko'zlarini uzib olmoqchi bo'lgan???

Bankni tunagan o'g'ri pullarni sanab ko'rib:
— Bor-yo'g'i ellik million ekan..., - dedi g'azabli ohangda.
Shu payt radiodan: "Shahrimizda joylashgan banklardan birida qo'poruvchilik sodir etildi. Noma'lum shaxs tomonidan, bir milliard miqdordagi pul o'g'rilab ketildi" - degan xabar tarqaldi. O'g'rining battar jahli chiqib, o'ziga-o'zi ming'irlab debdi:
— Hayotimni xavf ostiga qo'yib, atiga ellik million o'g'irlay oldim xolos! Bank boshqaruvchisi esa, o'tirgan joyida to'qqiz yuz ellik million ishlab oldi-ya...!!!!

Qizaloq onasiga debdi:
— Oyijon, men 5 yoshdaman! Nigora esa 3 yosh. Men kattaman!!!
Onasi:
— Qizim, men 33 yoshdaman! Men kattaman...
— Qizaloq onasini qulog'icha pichirlab:
— Oyijon,kattaman emas, qariman deng...!

Bog'chadan qaytgan qizaloq kollejda o'qiydigan opasiga shoshib:
— Opa-opa, sizga she'r aytib beraymi? - deb so'rasa, opasi jilmayib:
— Mayli, aytib beraqol! - debdi. Qizaloq yana:
— Faqat siz qarsak chalib turing, xo'pmi? - debdi. Opasi ham:
— Xo'p, aytaqol! - deb qarsak chalishni boshlasa, qizaloq:
— Hamma qizlar o'qishda,
Kitob o'qib yuribdi!
Bitta ahmoq bu erda,
Qarsak chalib turibdi! - dermish.

Hamma kosmetika vositalari ham birdek foydali emas.
Ayniqsa, erkaklar ko'ylagidagi lab bo'yog'i hayot uchun xavflidir!

Sud jarayoni ketmoqda. Sud'ya ayblanuvchiga savol beribdi:
— Ayblanuvchi, ismingiz nima?
— Ismim Begunoh! Shaxsimni tasdiqlovchi hujjatlarning barchasida shunday!
— Begunohmisiz???
— Ha janob! Adolatli hukmingiz uchun rahmat! Men ketdim!

Yarim kechada tashqariga chiqib ketgan er, birozdan so'ng shalabbo bo'lib qaytibdi.
— Yomg'ir yog'yaptimi? - so'rabdi xotini.
— Yo'q. Kuchli shamol bo'lyapti, - dermish eri.

Ikkita hamkasblar kechki payt ishdan chiqishibdi. Birinchisi debdi:
— Bitta iltimosim bor, hozir boshlig'imiz ishdan chiqadi. Sen uni haydovchisisan-ku! Mashina buzilgan deb biroz shu erda uni ushlab turgin. Bugun boshlig'imizni qizi bilan uchrashmoqchi edim, - debdi.
Haydovchi istar-istamas zo'rg'a rozi bo'libdi.
Boshliq ishdan chiqib:
— Qani ketdik-mi?! - desa, haydovchi:
— Mashina negadir o't olmayapti!? - deb bahona qilib, ancha vaqtgacha ushlab turibdi. Buni sezgan rahbar:
— Nega meni aldayapsan? To'g'risini ayt! Aks holda ishdan bo'shataman! - deb baqira ketibdi.
Boshqa chorasi qolmagan haydovchi bor gapni aytib beribdi. Shu erda ishlaydigan do'sti uning qizi bilan uchrashmoqchi ekanini, shunga u mashina buzildi deb, bahona qilganini aytsa, boshliq xoxolab kulib:
— Laqma ekansan-ku! Meni umuman qizim yo'q. Undan ko'ra uyingga borib o'zingni qizingdan xabar ol!!! - degan ekan.

<< < 725 726 727 728 729 730 731 > >>

Tavsiya qilamiz

Bosh sahifa