Latifalar

Bir kuni bekatda 3 ta o'zbek va 1 ta rus turgan ekan.
— Avtobus kelib to'xtabdi. Shunda birinchi o'zbek:
— Yo pirim deb, - avtobusga chiqibdi. Ikkinchisi chiqayotib:
— Yo Ali debdi. Uchinchi o'zbek esa:
— Yo Muhammad, - deb chiqib ketsa, boyagi qarab turgan rus ichida "Bu erda hamma ismini aytarkan, - deb:
— Yo Andrey, - deb avtobusga chiqib ketibdi.

Yosh qiz telefonidan sobiq sevgan yigitlarini raqamlarini o'chirib tashlashni unutgan ekan. Bir payt oshxonadan onasi uni chaqiribdi:
— Qizim, telefoningga javob ber! Senga qandaydir Ablah qo'ng'iroq qilyapti.

Ikkita o'qituvchi darsdan keyin restoranga borib o'tirishibdi. Hadeganda ofisiant kelavermabdi. Shunda o'qituvchilardan biri restoran menejerini chaqirtirib shikoyat ohangida debdi:
— Qachondan beri o'tiribmiz. Nega ofisiantlar bizdan buyurtma olishga kelishmayapti, kelib qarashmayapti? - desa, menejer:
— Bizdagi ofisiantlarni hammasi sizni talabalaringiz ekan. Shunga "Sen qara, sen qara!", - deb oshxonada berkinib turishibdi, - dermish.

Er-xotin hazillashib:
— Azizim, men homiladorman!
— Nima?! Bo'lishi mumkinmas!
— 1 aprelingiz bilan...
— Gulmira, bu yoqqa kelgin.
— Qanaqa Gulmira? Kim u?
— O'zingni ham bayraming bilan...!

Eri xotiniga quticha beribdi. Quti ustida esa quyidagi so'zlar yozilgan ekan:
"Men senga kerakligimning 50 ta sababi shu erda!"
Quti ichidan elektr go'sht maydalagichning 50 ta qismlari chiqibdi. Xotini ikki soat harakat qilsa ham, uni yig'a olmabdi.
Shunda quti ustidagi so'zlarning asl ma'nosini tushunib etibdi.

"Bir haftada qaytaraman", - deb qarz olgan va bir oyda qaytarganlarni qizil kitobga kiritish kerak.
Chunki bunchalik tez qarzini qaytaradigan insonlar kamayib ketmoqda!!!

1 aprelda sevgan qizim meni tashlab ketdi.
3 aprelda qo'ng'iroq qilib, — 1 aprel hazili edi...! - deydi.
Men esa yangi qiz bilan tanishib bo'lgandim...

Krishtiano Ronal'do Paxtakor futbol klubi bilan 5 yillik shartnoma imzolabdi. Jurnalistlar intervyu undan olyapdi:
— Siz Paxtakorga qanday kelib qoldingiz?
— Tasodifan. Toshkentga borganimda muxlislarga dastxat bergandim. Shularni ichida bitta muxlis 5 yillik shartnomani uzatsa, bilmasdan qo'l qo'yib beribman.
— Sir bo'lmasa, qancha maosh va'da qilishdi?
— Maoshim haftasiga 100 ming so'm. U ham bo'lsa 100 foiz plastik kartochkaga tusharmish...!

Bir odam sayyohlik firmasiga qo'ng'iroq qilibdi:
— Allo, men xorijda dam olmoqchiman!
— Qancha pulingiz bor?
— 500 ming!
— Damingizni oling!!!

Bir kuni tipratikan quyonni mahkam bag'riga bosib debdi:
— Mana sevgi qanchalik azob ekanini ko'rdingmi?!

<< < 728 729 730 731 732 733 734 > >>

Tavsiya qilamiz

Bosh sahifa