Latifalar

Mendeleev davriy jadvaliga yangi kimyoviy element qo'shildi. Element nomi: Ayol. Kodi: Fm. Og'irligi: yashashdan umidingiz bo'lsa, so'ramaganingiz ma'qul!
Fizikaviy xossasi: kutilmagan payt qaynab ketadi, o'ylamagan vaqtingizda muzlashi mumkin. Yuqori darajada portlash xususiyatiga ham ega. Kimyoviy xossasi: pul, oltin, kumush, platina va hakozolar bilan yolg'iz qoldirib bo'lmaydi. Tez reaksiyaga kirishib ketadi. Kamchiligi: juda ishonuvchan. Ko'p uchraydigan joylar: ko'zguni oldida, telefonni oldida va bozorda. Qo'shimcha ma'lumot: ochilmagan qirralari ko'p. Yashash muddati: qo'rqmang, erkaklarnikidan ko'p.

— Og'ayni, senga achinaman! Uylanganingga bir oydan oshibdi-yu, haliyam paypog'ingni o'zing yuvyapsan-a!
— Nima? Ko'z bormi o'zi senda? Bu xotinimning paypog'i-ku!

Bank xodimi oshxonaga tushlik qilgani kirsa, oshxonada hech kim yo'q emish. Qarasa qorovul o'tirgan ekan.
Xodim so'rabdi:
— Qani ishchilar?
Qorovul:
— Ular hozir tushlikka chiqib ketishdi, - dermish.

— Allo, taksimi?
— Ha!
— Qozog'iston poytaxtiga bormoqchi edim. Olib borib qo'yasizmi?
— Yo'g'-e, Ostona juda uzoq! U erga eltib qo'ya olmaymiz!
— Os-to-na, 6 ta harf. To'g'ri kelyapti. Rahmat!

Talaba kafega kirsa, dekan tushlik eb o'tirgan ekan. Talaba dekanni yoniga borib:
— Domlajon, maylimi siz bilan bir stolda o'tirib, ovqatlansam? - desa, dekanni jahli chiqib:
— Qaerda ko'rgansan burgut bilan kalamushni birga ovqat eb turganini, - debdi.
Shunda talaba bir kulib qo'yibdi-da:
— Unda siz ovqatingizni eyavering, men uchib ketaqolay, - dermish.

Shahrimizda yo'llarga asfal't yotqizish ishlari olib borilmoqda.
Ish tartibi:
1. Asfaltga yo'l chiziqlarini chizish.
2. Asfaltni yangilash.
3. Asfaltni kavlab, kanalizasiya quvurlarini almashtirish.

Harbiy xizmatga kelgan askarlar safda turib, yo'qlamadan o'tmoqdalar:
— Abdullaev
— Men!
— Ilhomov
— Men!
— Z0 itov
— Men! Zoitovman, o'rtoq starshina, Zoitov!

— Azizim, bugun kayfiyatim yo'q. Nima uchunligini so'ramang.
— Xo'p!
— Bilardim, siz menga doim bee'tibor bo'lgansiz!

Ikki tilanchi lo'li ayol uchrashib qolishibdi:
— Voy dugon bormisan, ko'rinmaysan?
— Ibi hoy, eshitmadingmi qizimni erga berdim!?
— Sepiga nima berding?
— O'zimga tegishli katta ko'chani berdim.
— Tutuning chiqsin sani, endi gado bo'libsan!

OVIRdagi suhbat:
— O'z uying-o'lan to'shaging! Uzoqdagi bug'doydan yaqindagi arpa yaxshi! O'zga yurtda shoh bo'lguncha o'z yurtingda gado bo'l! Musofir bo'lmagun...
— To'xtang, to'xtang! Tushunishimcha haliyam hujjatlarim tayyor emas, muhr qo'ymagansiz!? Shundaymi?

<< < 744 745 746 747 748 749 750 > >>

Tavsiya qilamiz

Bosh sahifa