Latifalar

Qaynona yangi tug'ilgan nabirasiga qarab turib keliniga:
— Umuman o'g'limga o'xshamaydi, - desa, kelinini jahli chiqib:
— Oyijon, men sizga kseroks emasman! - dermish.

Bir yigit motosiklda ketayotsa elkasini chumoli chaqib olibdi. Yigit elkasidan chumolini olibdi-da:
— Agar yana chaqsang, u yog'iga piyoda ketasan! - deb chumolini yana elkasiga qo'yibdi.

— Adasi, sizga qanday ayollar ko'proq yoqadi: aqllisimi yoki chiroylisi?
— Axir necha martta aytganman?! Hech qaysisi yoqmaydi, faqat sen yoqasan deb!

Yigitga qiz aytyapti:
— Sizga futbol bo'lsa bo'ldi. Undan boshqa narsani o'ylamaysiz!
Yigit:
— Bu noto'g'ri. Seni xam o'ylayman.
Qiz:
— Xo'sh unda ayting-chi, birinchi martta qachon uchrashganmiz?
Yigit:
— 27 may 2013 yil: Real bilan Barselona o'ynagandi o'sha kun...

O'qituvchi o'quvchidan so'radi:
— Suvda yashaydigan 5 ta jonzot nomini ayt!
O'quvchi:
— Qurbaqa.
O'qituvchi:
— Juda yaxshi, yana 4 ta?
O'quvchi:
— Uning otasi, onasi, akasi va singlisi.

Avval prokuror bo'lib ishlagan odam zavod rahbari lavozimiga ishga tayinlanibdi va ishchilarga qarab:
— Men sizlarga o'g'rilik qilish qanaqa bo'lishini ko'rsatib qo'yaman hali!!! - dermish.

Tun qorong'usida bir erkak uyiga mast, ust-boshi kir, g'ijim holda kirib kelib, uxlab qolibdi. Ertalab uyqudan tursa, xotini uyda elib-yugurib yuribdi. Erini kiyimlarini tozalagan, dazmollagan. Oshxonaga kirsa stol ustida turli xil noz-ne'matlar bilan to'ldirilgan nonushta, ... Xotini u yoqqa o'tsa ham eriga jilmayarkan, bu yoqqa o'tsa ham jilmayarkan. Er bu holatni ko'rib hangu-mang bo'lib, o'g'lidan so'rabdi:
— Nima bo'ldi onangga, nega bunaqa? - desa, o'g'li:
— Kechasi kelganingizda onam jahl bilan sizni uyga sudrab kirib, kiyimlaringizni echayotgan edilar, siz onamga qarab:
— Menga yaqinlashma, meni xotinim bor deyishiz bilan, onam o'zgarib qoldilar, - dermish.

Yangi uylangan o'g'il va ona suhbati. Ona:
— Bu kelin juda yomon ekan! - desa, o'g'li:
— Unaqa demang oyi. Bunaqa kelinni yana qaerdan topasiz?! - degan ekan. Onasi unga qarab:
— Jinnixonadan! - dermish.

Kichkina bola onasiga savol beryapti:
— Nima uchun mushugimiz unitazdan suv ichadi?
Onasi:
— Unitazda suv toza, shuning uchun ichadi.
Bola o'ylanib turib:
— Siz buni qayoqdan bilasiz?

Bir qiz dugonasini ko'chada uchratib qolibdi.
— Ha dugonajon, nima bo'ldi, kayfiyating yo'q?
— E, gapirma, juda-yam semirib ketyapman!
— Ozg'in paytingda tushgan suratlaring bormi?
— Ha, nima edi?
— O'sha suratlarni ehtiyot qilib saqlab qo'y! Kayfiyatingni tushirma, hech bo'lmasa suratlaring bor ekan-ku!

<< < 741 742 743 744 745 746 747 > >>

Tavsiya qilamiz

Bosh sahifa