Latifalar

Bitta yigitni xotini arazlab ketib qolibdi. Yigit ishdan kelib, o'zi osh pishirmoqchi bo'lib qarasa, guruch yo'q emish. Ro'parasidagi xonadonda yolg'iz ayol yashar ekan.
— Shu ayoldan guruch so'rab chiqaman, - deb, ayolni eshigini qo'ng'irog'ini bosib turib, o'ylanib qolibdi. Hozir u chiqsa, guruch so'rasam, osh qilishimni biladi. Keyin ilojsiz oshga taklif qilaman. U chiqadi, mehmonni hurmatidan shampan quyaman. Shu payt eshik ochilib, xotinim kirib kelib qoladi...
Shunday hayol surib tursa, eshikni qo'shnisi ochib:
— Labbay qo'shnijon, keling, - desa, yigit:
— Ey-y, guruching boshingdan qolsin! - deb ketib qolibdi.

Bir yoshli bolakayni onasi eridan so'rabdi:
— Qayoqqa ketyapsiz?
— Futbolga, - debdi eri.
— O'g'limizni ham o'zingiz bilan olib keting!
— Nega?
— Ana qarang, baribir bu erda, bekorga baqirib o'tiribdi...!

— Allo, bu Texxizmatmi?
— Ha!
— Ayting-chi, Noutbukimni televizorga qanday ulasam bo'ladi? Kino ko'rmoqchi edim...
— Sim bilan ulang!
— Ulab bo'lmayapti-ku!?
— Televizoringizni rusumi qanday?
— Rekord 312
— Unda ekranni o'rtasiga skotch bilan yopishtirib qo'ying!

Agar dollaring bo'lsa, qarindoshing yoki tanishingga sota ko'rma!
Tez orada kurs o'zgarishi bilanoq, so'kish tagida qolib ketasan.

Bolalar yozgi oromgohi. Guruh etakchisi:
— Hammangiz qo'l telefonlaringizni menga topshiring!!! - debdi.
Ertasi kuni tongda ko'zi qizargan, kayfiyati yomon guruh etakchisi chiqib kelib:
— Ablahlar! Hammangiz telefoningizni budil'nigini yoqib beribsizlar-ku, tuni bilan navbatma-navbat jiringlab, umuman uxlatmadi. Soat 1:00, soat 2:00, 3:00, 4:00, ..., - dermish.

Charli Chaplin, Aldar Ko'sa va Afandi tog'larda yurgan ekan, oldilaridan dev chiqib qolibdi.
Uchchalasi “Bizni qo'yib yubor!” deb devga yalina boshlashibdi. Shunda dev:
— Har biringiz og'zingizdan biror narsani olib erga tashlaysizlar. Kimning narsasini ko'rib, ushlashga ulgursam, men bilan qoladi. Agar ko'rmasam, qo'yib yuboraman, - debdi.
Chaplinning og'zida saqichi bor ekan. Saqichini erga tashlashi bilan, dev ushlab olibdi.
Aldar Ko'saning og'zida nos bor ekan. Erga tashlashi bilan, uni ham dev ushlab qolibdi. Navbat Afandiga kelibdi. Kecha rosa to'yib sarimsoq egan Afandi devga qarab “Kuf-f-f” debdi. Dev atrofga alanglab qarabdi-da:
— Sarimsoqni hidi bor-u, o'zi yo'q?! Mayli sen uyingga ketaver! – degan ekan.

Qizlarni jahlini qanday chiqarishni bilasizmi?
1. Ularni suratga oling.
2. Suratni ko'rsatmang.
Tayyor!

Jinnixonada jinni qora qog'ozga ikkita qizil nuqta qo'yib, doktorga ko'rsatibdi.
Doktor:
— Nima bu? - desa, jinni:
— Ko'rmayapsizmi, ikkita negr sigaret chekib o'tiribdi, - debdi.

Tahririyatga xat kelibdi:
"Maqolamni jurnalingizda chop etsangiz. Uchta maqolamni birdaniga yuboryapman!"
Tahririyatdan javob keldi:
"Bu bilan bizni qo'rqita olmaysiz!"

Divanda futbol ko'rib yotgan otasiga o'g'li debdi:
— Adajon, shirin choy ichaman...
Otasi ayyorlik ishlatmoqchi bo'lib:
— Men ham ichaman... Kel, men senga tayyorlayman, sen esa menga, - debdi.
O'g'li shirin choy ko'tarib kelib:
— Adajon, mana choyingiz! Meniki qani? - desa, otasi:
— Ichgim kelmay qoldi, shuni o'zing ichaver!!! - dermish.

<< < 748 749 750 751 752 753 754 > >>

Tavsiya qilamiz

Bosh sahifa