Latifalar

— Halol odamni sotib olib bo'ladimi?
— Yo'q, sotib olib bo'lmaydi... Ammo sotsa bo'ladi...

— Oyijon, men hisoblashni o'rganib oldim, - debdi bolakay.
— Juda yaxshi-ku! Nimani hisoblashni o'rganding?
— Hammani ahmoq deb hisoblashni o'rganib oldim.

— Uyalmaysanmi? Nega uyda bitta ishtonda yuribsan?
— Ikkita ishtonda isib ketyapman-da!

— Vrach menga sarimsoqli parhez buyurdi.
— Xo'sh, nechi kilo yo'qotding?
— Nechi kilo emas, nechta do'stingni yo'qotding deb so'ragin...

Bir kishi soliq qo'mitasiga kelib debdi:
— Menga qachon mehnat ta'tili berasizlar?
Qo'mitadagilar hayron bo'lib:
— Axir siz bizni xodimimiz emassiz-ku!? – deyishsa, haligi kishi:
— Ha, lekin men faqat sizlar uchun ishlab yuribman-da! – degan ekan.

Bir odamni it tishlab oldi. U doktorga bordi.
— Sizni quturgan it tishlabdi, - dedi doktor.
Shunda haligi odam qog'ozga shoshib bir nimalarni yoza boshladi.
— Nima, vasiyatnoma yozyapsizmi? - so'radi doktor. Havotirlanmang, tuzalib ketasiz.
— Men tuzalgunimcha tishlashim kerak bo'lgan odamlarning ro'yxatini tuzyapman.

— Dadajon, xo'rozlar nega tong yorishmasdan qichqirishadi?
— Tovuqlar uyg'onganda xo'rozlarning ovozi eshitilmay qoladi-da!

sirk arenasida gimnastikachi yigitlarning chiqishi namoyish etilmoqda. Epchil va chaqqon sportchilarning chiqishlarini ko'rib o'tirgan tomoshabinlar qarsak chalib, olqishlab o'tirishar ekan.
Shu payt tomoshabinlar orasida bir odam baqirib:
— Hezalaklar! Tor shim kiyib olib, yurishini qaranglar bularni!!! – debdi xandon otib kulib.
Tomoshabinlar bezovta bo'lib, atrofga qarashibdi.
Gimnastikachilarni chiqishlari davom etibdi. Haligi odamning yana baqirgan tovushi kelibdi:
— Hezalaklar! Ayollarga o'xshaydi hammasi!!!
Bir vaqt boshlovchi sirk arenasiga chiqib e'lon qilibdi:
— Endi esa navbat o'ta xavfli sahna chiqishiga! Hozir sizlarni ko'z o'ngingizda sirk shiftidan boshi bilan pastga sakrash amalga oshiriladi.
— Voy dod!!! Qayoqqa sudrab ketyapsizlar?! Qo'yib yuboringlar meni! – deb gimnastikachi yigitlarga yalina boshlabdi haligi odam...

Kriminalist ota oilasida egizaklar dunyoga kelibdi.
Qarindoshlardan biri egizaklarni otasidan:
— Farzandlaringizni bir-biridan qanday ajratasiz? – deb so'rashsa, kriminalist ota ishonchli javob beribdi:
— Barmoq izlaridan!

Marshrutkada ketayotgan yo'lovchilardan biri haydovchiga debdi:
— Ana shu to'xtab turgan Matizni orqasida to'xtatib yuboring!
Shu zahoti Matiz yura boshlabdi. Marshrut haydovchisi yo'lovchiga qarab:
— Matizni ortidan quvlayveraymi? – dermish.

<< < 751 752 753 754 755 756 757 > >>

Tavsiya qilamiz

Bosh sahifa