Latifalar

Birinchi sinf o'quvchisiga onasi dars qildiryapti:
— Senda to'rtta olma bor edi. Ikkitasini eding. Nechta qoladi?
— Ikkita olma va ikkita olmaning po'chog'i, oyijon...!

Stomatolog huzurida:
— Mana sizni kasal tishingiz!
— Mana sizga kresloingizni ushlagichi!

Yangi kelinchak eriga debdi:
— Chiroyli ko'ylaklar olib bermasangiz, sayyohatga olib bormasangiz, nima qilardingiz menga uylanib!
Eri bo'lsa unga qarab:
— Ovqat pishirishni, shim dazmollashni baribir o'rganmas ekansan, nima qilarding turmushga chiqib?! – debdi.

— Yangi Lasetti olibsan. Qanaqa ekan? – deb so'rabdi yigit do'stidan.
Do'sti bo'lsa:
— Yaxshi. Ishxonaga 20 daqiqada boraman. Uyga esa 2 soatda kelaman, - debdi.
— Nega? – so'rabdi yigit.
— Chunki oldingi yurishga beshta uzatma bor. Orqaga esa bitta, - dermish do'sti.

Choyxonada oshxo'rlik qilib o'tirgan Afandiga bir tanishi debdi:
— Uyingizga o't ketdi, tez boring!!!
— E, yo'q! Biz xotinim bilan ishlarni bo'lishib olganmiz. Men pul topib boraman. Xotinim uydagi ishlarga qaraydi. Bor o'ziga ayt!

Botir jang maydonidan yaralangan do'stini sudrab chiqib ketmoqda. Do'sti unga debdi:
— Meni kasrimga o'lib ketasan. Tezroq meni otib tashlagin-da, o'zingni joningni asrab qol!
Botir bir soniya to'xtab:
— Ilojim yo'q! Miltig'imning o'qi tugagan! – desa, do'sti iltijo qilib:
— Menda bor, sotib olaqolmaysanmi?!

Bir odam qo'shnisiga debdi:
— Ha qo'shni, xo'rozingizni sotgani olib ketyapsizmi?
Qo'shnisi unga qarab:
— E, yo'q! Shunchaki, tovuqlarim xo'rozsiz bozorga bormaymiz deyishyapti, - deb javob qaytaribdi.

Bir kuni ikkita yigit choyxonada osh egani kelishibdi. Oshni olib kelishgach, qarasa, hamma go'sht narigi sherigi tomonga o'tib ketibdi. Shunda birinchi yigit debdi:
— Og'ayni bilasanmi, faylasuf kim?
— Yo'q, - debdi.
— Faylasuf shunday odam-ki, u dunyoni mana shu laganday burab qo'yishi mumkin.
Sherigi qarasa, hamma go'sht narigi tomonga o'tib ketibdi.
— Ie, - debdi yigit, - sen faylasufmisan?
— Yo'q, - debdi do'sti.
— Unday bo'lsa qo'y, dunyo joyida tursin, - deb laganni yana joyiga aylantirib qo'yibdi.

Afandi uyida o'tirib xayolan qo'y go'shti solib pishirilgan sho'rva ichishni orzu qilib o'tirardi. Qo'shnisining o'g'li kosa ko'tarib chiqib qoldi va dedi:
— Amaki, agar sho'rva qiladigan bo'lsangiz, oyimgayam bir kosa berarkansiz. Mazalari yo'q.
Shunda Afandi o'zicha g'udranib qo'ydi:
— Tavba, bu uyda orzu qilib ham bo'lmaydi-ya! Darrov qo'shnilar eshitadi.

Uyida qo'l telefonini unutib qoldirgan er ishxonadan xotiniga qo'ng'iroq qilyapti:
— Azizim, telefonimni o'chirib qo'ysang. Jiringlayverib seni bezovta qiladi.
Xotini:
— Sizga Alisherdan SMS keldi. Bugun tunda kutar emish...! Ko'ziga uyqu kelmayotgan ekan...! – debdi jahl bilan.
Eri:
— Meni uyga kirgizmaysanmi??? – desa, xotini:
— Nega endi!? Bugun kechasi uxlashingiz uchun darvozani yoniga joy tayyorlab qo'ydim! – dermish.

<< < 754 755 756 757 758 759 760 > >>

Tavsiya qilamiz

Bosh sahifa