Latifalar

Bir kuni ikki jinni gaplashib o'tirishgan ekan. Biri o'rnidan turib ketayotsa, ikkinchisi debdi:
— Qaerga ketyapsan?
— Suv ichishga.
— Meni o'rnimga ham ichib kel, - debdi birinchi jinni.
Ikkinchi jinni suv ichib, o'zidan-o'zi kulib qaytayotganmish.
— Nimaga kulyapsan, - desa, jinni:
— O'zimning o'rnimga krandan suv ichdim. Sening o'rningga esa ariqdan, - dermish.

Yapon olimlari robot ixtiro qilishibdi. U robot jinoyatchi-o'g'rilarni ushlar ekan.
Rossiyada sinovdan o'tkazishsa, bir kunda 40 ta o'g'rini qo'lga olibdi.
Amerikada sinovdan o'tkazishsa, 50 ta o'g'rini qo'lga olibdi.
Ippodrom bozoriga olib borishgan ekan, robotni o'zini 1 soat ichida topa olmay qolishibdi.

Go'zal qiz bilan tanishdim. Husniga hamma mahliyo bo'ladi. Lekin qarindoshlarim bilan tanishtiray deb, uyga olib borsam, ularga umuman yoqmadi.
Ayniqsa, xotinimga...

Bokschilarni yig'ib, "Boks sog'liq uchun foydalimi?" degan so'rovnoma o'tkazishibdi?
Shundan 10% bokschilar "foydali" deb javob qaytarishibdi. Qolganlari gapga tushunishmabdi.

Bolakay dadasidan so'radi:
— Dada menga pul bering!
— Pulni nima qilasan?
— Yangi oyi olaman.
— Oying bor-ku...?!
— O'zimni oyim pul bermadilar. "Dadang uyga erta keladigan bo'lib qoladi. Erta kelsa ikkinchi dadang ketishga ulgirmaydi" dedilar.

Ota va o'g'il sho'rva ichib o'tirishsa, o'g'il otasiga:
— Ota sho'rvangizni go'shtini menga bering, - desa,
ota o'g'liga qarab:
— O'g'lim shu go'shtni eyman deb bir kosa suv ichdim, - dermish.

Bir kuni o'zbek, rus, qozoq yigitlar yig'ilishibdi. Uchchalasi kim o'zi yoqtirgan narsani olib kelishga kelishishibdi! Har tarafga tarqab ketgan yigitlar, birozdan keyin qayta boshlabdi.
O'zbek yoqtirgan do'ppisini, rus esa buvisi to'qib bergan paypog'ini ko'tarib kelibdi. Qozoq esa kech qolayotgan ekan.
O'zbek bilan rus kim nima olib kelsa ham, uni sovg'a qilib yuborishga kelishib olishibdi. Shu payt rus kulayotgan ekan, o'zbek:
— Ha, nima bo'ldi? - desa,
— Qara, qozoq xotinini olib kelyapti, - dermish.

Kichkintoy Abduraimning onasi, har doim jinsi shim kiyib yurar ekan. Bir kuni to'yga borish uchun ko'ylak kiysa, kichkintoy Abdurayim:
— Voy oyi, siz ayolmisiz? - dermish.

Yigit qizga debdi:
— Senga bir taklifim bor.
O'zida yo'q xursand bo'lib ketgan qiz shosha-pisha yigitga termulib:
— Ayting, ko'p kuttirmang! - desa, yigit:
— Meni tinch qo'ygin-a!!! - degan ekan.

Sud zalida ayblanuvchiga savol berishyapti:
— Siz qanday qilib birdaniga 6 ta odamni mashinangizda urib yubordingiz?
Haydovchi:
— Yo'lda ketayotgan edim. Birdan tormoz ishlamay qoldi. Yo'lning o'ng tarafiga qarasam, 2 kishi, chap tarafida 4 kishi ketayotgan ekan. 4 kishidan ko'ra, 2 kishini urib qo'yaqolay, - deb, rulni o'ng tarafga burdim. Birdan haligi 2 kishi chap tarafga qarab yugurib qolsa bo'ladimi?! Ularni qulab, oxiri hammasini urib yubordim.

<< < 769 770 771 772 773 774 775 > >>

Tavsiya qilamiz

Bosh sahifa