Tezyurar poezd. Yo'l kuzatuvchisi har bir kupega kirib iltifot bilan murojat qilyapti: — Chet elliklar bormi ? Barcha kupelarda "Yo'q" deb javob berishibdi. Kuzatuvchi yo'lakka chiqib baqirdi: — Teshavoy! Kondisionerni o'chiraver! Hammasi o'zimiznikilar ekan!
Biror insonga 100 ming sovg'a qilsang, sendan minnatdor bo'ladi. Lekin unga lotoreyada 1 million yutib olganingni aytgan zahoting, qovog'i osilib qoladi...!
— Siz buncha ahmoqlik qilishga qanday ulgurasiz? — Men juda erta turaman.
Bir shoir g'azal bitib mavlono Abduraxmon Jomiyning huzurida o'qidi. So'ng qaddini g'oz qilib dedi: — G'azalni podsho saroyining darvozasiga osib qo'ymoqchiman, zero el aro shuhrat topsa. — Unda g'azalni senikiligini qaerdan bilishadi? El aro mashhur bo'laman desang, g'azalingni yoniga o'zingni ham osib qo'y, - dedi mavlono Jomiy.
— Nega xafasan? — Telefonimni o'g'irlab ketishdi. — Milisiyaga bormadingmi? — Bordim, ular olishmapti.
— Oyi, muzlatgichdagi go'shtdan esam maylimi? — Yo'q bolam, u go'shtni qora kunlarga asrab qo'yganman. — Choyimga shakar solsam-chi? — Yo'q, shakarni ham qora kunlarga saqlayapman. — Eh-h, tezroq o'sha qora kunlar kelaqolsaydi...
"Ikkichi"larning 2 ta narsasi bo'ladi: mashinasi va uyi. "Uchchi"larning 3 ta narsasi bor: mashinasi, uyi va dalahovlisi. A'lochilarning 5 ta narsasi bo'ladi: kal boshi, ko'zoynaklari, eng kam oylik ish haqqi, qon bosimi va ko'krak nishoni.
— Eshitishimcha siz sirkda sherlarni o'ynatar ekansiz? Bir narsaga hayronman. Siz kichkinagina, nimjon va buning ustiga ozg'in bo'lsangiz. Nega sherlar sizni eb qo'yishmaydi? — Hamma gap shunda-da! Ular ham meni semirishimni kutishadi!
Ota o'g'liga debdi: — O'g'lim, maktabdagi baholaringni qachon to'g'rilaysan? — Harakat qilyapman adajon. Lekin ustozim bir daqiqaga ham jurnalni tashlab chiqib ketmayaptilar-da...
Taksi to'xtatgan 4 ta yigit: — Vokzalga tashlab qo'yasizmi? — O'tiringlar! Haydovchi: — Rossa ichganmisizlar deyman-a, yigitlar?! — Yo'g'-e, nimalar deyapsiz?! Haydovchi: — Avtomobilni oldi o'rindig'iga to'rttalangiz ham o'tirib olganingizni ko'rib so'rayapman-da!!!
Tush.UZ - Tushlar tabiri