Latifalar

Arab milliarderiga Germaniyada o'qiyotgan talaba o'g'lidan xat kelibdi:
"Hurmatli dadajon!
Berlin juda chiroyli shahar ekan. Odamlari ham yaxshi. Hamma ishlarim, o'qishim joyida! Faqat bir muammo bor: men o'qishga tilla Ferrari mashinamda kelaman. O'rtoqlarim poezdda kelishadi. Hatto o'qituvchilarim ham. Shunga men ba'zida xijolat bo'laman".
Otasidan javob keldi:
"Sevimli o'g'lim!
Xijolat bo'lishingni istamayman. Seni hisobingga etarlicha pul o'tkazdim. O'zinggga poezd sotib ol! Bizni uyatga qo'yma".

Bir yigit ko'chadagi tilanchiga har kuni pul berib o'tar ekan. Kuni kelib o'sha yigit uylanibdi.
Tilanchiga pul bermay qo'yibdi. Oradan ozroq vaqt o'tib, tilanchi yigitni ko'rib qolibdi-da:
— Nima bo'ldi? Nega pul berib o'tmaydigan bo'lib ketding? - desa, yigit:
— Uylanib, ro'zg'ordan ortmay qoldi, - debdi.
Tilanchini jahli chiqib:
— Nima, oilangni mani hisobimdan boqasanmi?!?!

Bir kishi Rossiyaga ketmoqchi bo'lib yo'lga otlanibdi-da, o'g'lini yoniga chaqirib debdi:
— Men ishlash uchun uzoqlarga ketyapman. Onangga qarab yur. Agar begona erkak bilan gaplashsa, hovli etagiga qurgan yangi imoratdan bitta g'isht olib qo'yasan. Qaytgach, shu imoratga qarab o'zim bilib olaman.
Oradan bir yil o'tib, haligi kishi uyiga qaytsa, o'g'li yo'q emish.
— O'g'limiz qani? - deb so'rabdi xotinidan.
— Jinnixonada yotibdi. Yangi qurgan imoratni yiqitaverib, jonga tegib ketdi, - dermish xotini.

Bir yigit qari buvisini vrachga olib boribdi. Vrach qari kampirni obdon tekshirib, qarichilikdan ekanini anglabdi. Bir hazillashmoqchi bo'lib kampirni olib kelgan nabirasiga debdi:
— Yaxshisi buvingizni erga beringlar! Shunda hammasi yaxshi bo'ladi!
Jahli chiqqan nabirasi vrachni urmoqchi bo'lib bo'g'zidan ushlasa, o'rtaga kampir tushib debdi:
— Qo'y bolam, bu doktor... Shuncha yil o'qigan. Bir narsani bilmasa doktor bo'larmidi...?!

Afandi o'choqqa o't yoqishga juda ko'p urinibdi. Hech yoqa olmabdi.
Uyga kirib xotinining ro'molini o'rab chiqibdi-da, o'choqqa qarab "Puf" degan ekan, alanga olib ketibdi.
Shunda olovga qarab:
— Ha qo'rqmas ekansan-aaa, - dermish.

Bir kishi yarim kechasi qorong'u ko'chadan ketayotgan ekan, yo'lidan bezorilar chiqib debdi:
— Qo'lingdagi tilla soatni ech!
Haligi kishi:
— Voy dod! Yordam beringlar!!! - deb baqira boshlasa, yo'lto'sarlar:
— Ie, hali seni tilla tishing ham bormi?! - degan ekan.

Bir g'iybatchi qo'shnisini ko'chada uchratib qolib debdi:
— Hoy qo'shni, yangi iPhone olibsizmi?
— Ha!
— Shuni, Facebookda yoki Telegramda xabar qilib yurmay, menga aytsangiz bo'ldi edi. Hammaga bir zumda tarqatib chiqardim...

Hozirgi zamon yoshlari tilidan:
"O'g'il otasini oldiga kelib, sekingina dedi:
— Ada, buvamga ayting, menga qiz topavermasinlar. Axir o'z sevgan qizim bor.

Bir yigit Guli ismli qizga uylanibdi. Yangi kuyov bolani yoniga do'stlari kelib:
— Qalesan o'rtoq? Kimga uylanding? - deb so'rashibdi.
Kuyov bola:
— Guliga - desa, do'stlari:
— Voy,o'sha engiltak Guliga-ya? U yaxshi qiz emas, juda hulqi buzuq qiz-ku! - deyishibdi.
Kuyov indamay ketibdi. Bir payt do'konga kiribdi. Sotuvchi:
— Ie, kuyov bola kelsinlar... Nima xizmat? Ha aytgancha, kimga uylandingiz?
— Narigi mahalladagi Guliga...
— Voy, chatoq ish bo'libdi-ku... U qiz yaxshi qiz emas, engiltak-ku?!
Kuyov bola juda xafa bo'lib o'tirsa, boshqa shaharda yashovchi tanishi kelib qolibdi. U ham kimga uylanganini so'rabdi. Kuyov har doimgidek, yomon gap-so'zlarni eshitibdi.
Boshi og'rib ketgan yigit dorixonaga kiribdi. Dorixonadagilar ham:
— Kuyov bola, muborak bo'lsan! Kim ekan u qiz? - deb so'rashsa, kuyovni jahli chiqib ketib:
— Bir ko'chada qolgan, rasvo, engiltak, fohishaga uylandim!!! - deb dod sola boshlabdi. Shunda dorixonadagilar bir-biriga qarab:
— Obbo, qo'shni mahalladagi Guliga uylangan shekilli? - dermish.

Bir kuni jinnixonada doktorlar jinnilarni tekshirish uchun hammasini yig'ib, bo'm-bo'sh basseynga olib kelib, "cho'milinglar" debdi. Hammasi birin-ketin basseynga o'zlarini otibdi. Lekin bir jinni chekada turganmish. Doktorlar uni tuzaldi deb uylab, oldiga borib,
— Sen tuzalding uyinga ketaversang bo'ladi, - desa,
jinni:
— Hozir, bitta kalla tashlab chiqay, - dermish...

<< < 775 776 777 778 779 780 781 > >>

Tavsiya qilamiz

Bosh sahifa