Latifalar

Buvisi bo'yi etgan nabira qiziga debdi:
— Nabiraginam, tug'ilgan kuningga bir chiroyli duo qilib qo'yay...
Bo'yi etgan qiz shoshib buvisiga debdi:
— Buvijon, menga ajoyib yigit uchrashini duo qiling! U yigitsiz bir daqiqa ham yashay olmay...
Buvisi o'ylanib turib dermish:
— Yo'q, yaxshisi sen bilan yashay oladigan yigit uchrashini so'rab duo qilaman!

Xotini hammomdan qo'lida shampun' ushlaganicha hovliqib yugurib chiqibdi.
— Adasi, endi tushundim nega semirib ketayotganimni! Mana yozib qo'yibdi qarang! "Ingichka tolalarni ham baquvvatlashtiradi". Endi men idish yuvish geli bilan cho'milaman. Unda bunday yozilgan ekan: "Har qanday yog'larni parchalab, sizni butunlay tashvishdan ozod qiladi"...

Bir yigitni yuzlari tilingan, bir ahvol bo'lib kelayotsa, oldidan tanishi chiqib qolibdi:
— Voy... Bu nima ahvol!? Yuzingga nima qildi?
— Yaxshi ko'rgan qizimni deb urushib ketdim.
— Kim bilan? Qizning boshqa sevgan yigiti bor ekanmi?
— Yo'g'-e. Xotinim bilan...!

Ustoz o'quvchilarga: Ertaga hammangiz 5000 dan remontga olib kelinglar!
Shunda bir o'quvchi:
— Ustoz meni dadam bilan oyim Rossiyada-ku!? - desa, ustoz:
— Unda 50 dollar olib kelaver, - dermish.

To'ydan bir oy o'tgach, kuyov onasiga debdi:
— Oyijon, rahmat sizga. Shu kelinni menga siz tanlab berganingiz uchun!
Onasi hayron bo'lib:
— Nega unaqa deyapsan o'g'lim? - desa, kuyov:
— Agar shu qizni o'zim topganimda bir umr o'zimni kechira olmagan bo'lar edim, - dermish.

— Dada "Mujik" nima degani?
— "Mujik" degani - o'zi ishlab, pul topib, oilasini boqadigan inson!
— Dada, katta bo'lsam men ham oyimga o'xshab mujik bo'laman!

Ikkita boyning suhbati:
— Hozirgi zamonda halol bo'lib yashash qiyin...!
— Senga bu gapni nima aloqasi bor?!

O'qituvchi o'quvchisini savol-javob qilmoqda:
— Foziljon, bu yil yoshing ettida bo'lsa, kelasi yil nechiga to'lasan?
— To'qqizga ustoz.
— Sakkizga to'lasan!
— Topa olmadingiz. Axir bugun meni tug'ilgan kunim!!!

Qish kunlarining birida erkak mast bo'lib kelib, uyini darvozasini taqillatibdi. Ayoli eshikni ochmasdan:
— Kim-u? Dadasi sizmisiz, - desa hech kim indamabdi.
Ayol qaytib uyga kirib ketibdi. Tong otgach ko'chaga chiqib qarasa, eri darvoza tagida tirishib uxlab yotganmish.
Shunda xotini erini turtib uyg'otib:
— Voy dadasi, qachon keldingiz, - desa, eri:
— Kechasi, - debdi.
Ayol:
— Nega "dadasi sizmisiz?" desam indamadingiz:
Er:
— Kallamni qimirlatdim-ku!? - dermish...

Ikki dugona turmush qurmaslikka qaror qilib birga yashasharkan. Zerikmaslik uchun bir mushuk ham boqisharkan. Fikrimiz buzilmasin deb mushukni hech qaerga chiqarishmas ekan. Mushuk har bahor ko'chaga chiqgisi kelib, bezovta bo'laverarkan.
Dugonalardan biri yaxshi yigit bilan tanishib turmushga chiqib, asal oyiga ketibdi.
Bir necha kundan keyin undan xat kelibdi: "Dugonajon, taqdiring o'z qo'lingda, ammo mushukni hoziroq qo'yib yubor!".

<< < 778 779 780 781 782 783 784 > >>

Tavsiya qilamiz

Bosh sahifa