Latifalar

Bir kuni afandi farzandli bo'libdi. Oradan bir yil o'tibdi farzandi birinchi aytgan so'zi "Tovuq" bo'libdi. O'sha kuni tovuq o'lib qolibdi. Keyin "Sigir" desa, u ham ertasiga o'lib qolibdi.
Afandi o'g'liga:
— O'g'lim "Dada" demagin, iltimos, - debdi.
2 kun o'tib, bolasi "Dada" degan ekan afandi uyiga kirib, ko'rpa-to'shak qilib yotib olibdi. Bir kun o'tarmish, o'lmasmish. 2 kun o'tarmish, o'lmasmish.
Uchinchi kuniga xotini kirib:
— Chiqing adasi. Qo'shnimiz Qo'chqor aka o'lib qolibdilar, - degan ekan.

O'qituvchi:
— Abdulla, senga savol! "Qavat-qavat to'ni bor, chiroyligina yuzi bor»?
Abdulla:
— Atirgul!
O'qituvchi:
— Yo'q, bu - karom.
Abdulla:
— Maylimi, endi man topishmoq bersam? U besh harfdan iborat, bosh harfiyam oxirgisiyam "Q"…
O'qituvchi:
— Voy, quloqsiz bola! Nimalar deyapsan!?
Abdulla:
— Ustoz, to'g'ri javob - Quloq! Siz topdingiz!!!

Tog'da cho'pon qo'ylarini haydab ketayotsa, qo'l telefoni jiringlab qolibdi.
Telefon ovozini eshitgan qo'ylar taqqa to'xtab, cho'pon tomonga qarashibdi. Cho'pon esa, kim bilandir gaplashib bo'lgach, telefonni cho'ntagiga solib, qo'ylariga:
— Xavotirlanmanglar, meni so'rashibdi! - degan ekan.

Bir kuni bir qiz yigitiga:
— Meni oq otda olib ketasizmi qora otdami? - desa,
Yigit:
— Menga farqi yo'q! Xotinimni ko'ndirsang, qo'limda ham ko'tarib olib ketaman, - dermish.

Ota o'g'lini maktabga tashlagani kelibdi va o'g'liga debdi:
— O'g'lim men ham shu maktabni 20 yil oldin bitirganman.
O'g'il ajablanib javob beribdi:
— O'qituvchimiz aytuvdi-ya, sendaqa ahmoqni 20 yil bo'lgandi ko'rmaganimga!, - deb...

Bir talaba pulsizlikdan qiynalib:
— Sigaretni tashlab, nos chekishga o'taman, - debdi.
Bir haftadan so'ng xumori tutib, ham sigaret ham nos sotib olishni boshlabdi.

Bolaligimda:
"Ura-a-a, yaqinda yangi yil bayrami bo'ladi!!!"
Hozir:
"Uf-f-f yana yangi yil bayrami...!"

Ikkita jinni devorga mix qoqmoqchi bo'libdi.
Birinchi jinni mixni teskari ushlab olib, devorga qoqa boshlabdi. Hech kiravermabdi.
Shunda ikkinchi jinni:
— E, ahmoqmisan?! Bu mixni bu tarafdagi devorga qoqish kerak, - degan ekan.

Narkozdan chiqqan bemor ko'zini sekin ochar ekan, yuziga har xil bo'yoqlarni surtib olgan hamshirani ko'rib:
— Yo Olloh! Qaysi gunohim uchun meni do'zaxga jo'natding, - dermish.

Saroy folbinini shoh o'z huzuriga chaqirib debdi:
— Mening taqdirimni bilasanmi?
— Ha, bilaman, - debdi folbin.
Shohning jahli chiqib:
— Sen o'z taqdiringni bilib olgin avval, - deb uning boshini tanasidan judo qilibdi.
Ikkinchi folbin shoh huzuriga kelibdi.
— Mening taqdirimni bilasanmi? - so'rabdi shoh.
— Yo'q, men sizni qachon o'lishingizni bilaman.
— Qachon? - darg'azab bo'libdi shoh.
— Mening o'limimdan ikki kun o'tgandan keyin, - javob beribdi folbin.

<< < 782 783 784 785 786 787 788 > >>

Tavsiya qilamiz

Bosh sahifa