Latifalar

Bir kuni vrachlar ruhiy kasallar shifoxonasiga borib, bemorlarni sog'ayganini tekshirish uchun hammasiga insho yozdirishib ko'rishibdi. Hamma jinnilar tushunarsiz yozibdi. Lekin bittasini inshosini boshida:
"Men Varshavaga otda borish uchun yo'lga chiqdim" deb yozilgan ekan. Vrachlar inshoning oxirgi varag'ini ochishsa "Men Varshavada otdan tushdim" deb yozilgan ekan. Shunda vrachlar qiziqib o'rta varaqlarni ochib o'qishsa, "Taraqa-turuq, taraqa-turuq" deb yozilgan ekan.

Bir qiz cho'milgani ko'l bo'yiga borib qarasa, bir milisiya xodimidan boshqa hech kim yo'q ekan. Qiz "mayli" deb echinib, sekin suvga tusha boshlabdi. Shunda milisiya xodimi kelib:
— Yaxshi qiz, bu erda cho'milish ta'qiqlangan, - debdi.
Qizni jahli chiqib:
— Qanaqa odamsiz, nega oldinroq aytmadingiz?! Ko'rdiz-ku kiyimlarimni echayotganimni, - debdi.
Shunda milisiya xodimi:
— Echinish ta'qiqlanmagan, cho'milish ta'qiqlangan, - dermish.

Bir kuni ikkita gradusnik uchrashib qolibdi.
Birinchisi:
— Istimam borga o'xshaydi!? - desa, ikkinchisi:
— Ha yo'g'-e! Bir silkinib yuborgin...! - dermish.

Ikkita Gai xodimi xizmat mashinasida ketayotishsa, oldidagi mashinaning oynasiga yopishtirilgan reklama yozuviga ko'zi tushibdi: "Avtomobil' sotiladi. Quyidagi telefon raqamiga qo'ng'iroq qiling".
Gai xodimlari haydovchini telefonda gaplashgani uchun jarimaga tortmoqchi bo'lib, e'londa ko'rsatilgan raqamga qo'ng'iroq qilishibdi.
— Allo, e'lon bo'yicha so'ramoqchi edim.
— Ha, albatta. So'rayvering, - debdi telefonini "Baland ovoz" rejimiga o'tkazib qo'ygan haydovchi.
Gai xodimi haydovchini gapga solaveribdi. Birozdan keyin Gai haydovchiga:
— Iltimos telefoningizni qo'lingizga olib gaplashsangiz, yaxshi eshitilmayapti, - desa, haydovchi:
— Jon deb gaplashardim. Faqat ortimdan boyadan beri bittasi dumga o'xshab ergashib kelyapti-da. Bilasiz-ku, bularga bahona topilsa, darrov to'xtatishadi! - dermish.

Vrach bemorga debdi:
— Havotir olmang. Bu yuragingiz bilan 70 yoshga bemalol kirasiz.
— Doktor, axir hozir men 70 daman-ku?!
— Ana, axir sizga nima degandim...

Er uyiga qaytsa, xotini dasturxon bezatib, unga tort qo'yibdi. Tortni ustida 20 dona sham turgan ekan. Eri hayron bo'lib:
— Kimni tug'ilgan kuni ekan? - so'rabdi.
Xotini zardali ovozda:
— Pal'to oberganizga 20 yil bo'ldi! - dermish.

Bir kuni er-xotin gaplashib o'tirib eri debdi:
— Xotin sen erkak bo'lganingda nima qilar eding?
Xotini:
— O'zingiz-chi? - dermish.

Oylik maosh bu - pora olishni bilmaydiganlar uchun berilgan jazodir!

O'quvchi Teshavoyga tanbeh beribdi:
— Har kuni besh baho olarding. Bugun uyga vazifani bajarmaganing uchun ikki qo'yaman. Mana "2" senga. Teshavoy qizishib debdi:
— Ustoz, dadamga aytuvdim, uyga vazifani bajarmasangiz o'qituvchimiz ikki qo'yadi deb. Oyim uyda yo'qligi uchun dadam uyga vazifani bajarolmadi.

Afandining bir eshagi bor ekan. Tinmay ishlatar ekan. Bir kuni eshak charchab o'tirib qolibdi. Shunda afandi rosa uni uribdi.
Eshak o'ziga o'zi "Tavba, shuncha ishlasam, yana eshakday uradi-ey" debdi.

<< < 781 782 783 784 785 786 787 > >>

Tavsiya qilamiz

Bosh sahifa