Latifalar

Uchta jinni motosiklga o'tirib ketayotishsa yo'lda ularni GAI to'xtatibdi.
Jinnilardan biri GAI xodimiga qarab:
— Ko'rmayapsizmi? Sizga joy yo'q! - degan ekan.

Bir qiz yigitni sevib qolib:
— Men sizni sevaman. Sizga turmushga chiqishga roziman, - debdi.
Yigit:
— Rostanmi?
Qiz:
— Ha rost!
— Unday bo'lsa, tezroq mendan bo'sa oling, - debdi yigit.
Qiz:
— Nimaga? - desa, yigit:
— Men yana qurbaqaga aylanib qolgim kelyapti, - dermish.

Boshliqni yoniga kirgan kotiba debdi:
— Korxonamiz hisobidan menga isitgich olib berilsa, moliyaviy ahvolimiz yomonlashib qolmaydimi?
Boshliq:
— Yo'q, albatta.
Kotiba:
— Unda menga mo'ynali pal'to olib berishlarini buyursangiz...!

Bitta domla aytgan ekan:
— O'qib, talabalikni oltin davrini topdingmi?
— Yo'q, - javob beribdi talaba.
— Nonga puling qolmagan payt - o'sha oltin davr bo'ladi. Qolgani esdan chiqib ketadi, - degan ekan o'qituvchi.

Harbiy okrug shtabidan tashrif buyurgan tekshiruvchiga uch nafar askar tanishtirilmoqda. Ulardan ikki nafari baquvvat davangir bo'lsa, uchinchisi qiltillagan, past bo'yli askar.
Praporshik:
— Mana bu uchalasi harbiy qismimizning eng sara bo'linmamiz sanaladi. Biror narsa yuz beradigan bo'lsa, shu zahoti ularni oldingi marraga yuboramiz.
Tekshiruvchi birinchi askardan so'rayapti:
— Sen kimsan?
— Oddiy askar Ivanov, erkin kurash va boks bo'yicha sport ustasi.
— Barakalla, azamat! Sen-chi, sen kimsan? - so'radi tekshiruvchi ikkinchi askardan.
— Oddiy askar Petrov, karate bo'yicha qora belbog' sohibi, shuningdek, bir qator sharqiy yakkakurash turlarini tasarruf etganman.
— Barakalla, polvon! Xo'sh, - murojaat qildi u, uchinchi, eng nimjon askarga mensimagan ohangda:
— Sen-chi, sen kim bo'lasan?
— Oddiy askar Sidorov, shaxmat bo'yicha sport ustasi. Mana bu ikkala qovoqboshga komandirlik qilaman!

Buvi uxlab yotgan nabirasini uyg'otyapti:
— Turaqol, bolajonim! "Kim erta tursa, xudo unga qo'sh qo'llab beradi" degan gap rost ekan. Qara,tong saharda sayrga chiqib nima topib oldim. Ichi pulga to'la hamyon.
Nabirasi:
— Axir o'sha hamyonni yo'qotgan odam sizdan oldinroq turgan-ku!?

Boyib ketish uchun 3 narsa zarur:
Aql, iste'dod va juda ko'p pul...!

40 yil o'qituvchi bo'lib ishlagan onaxon olamdan o'tibdi.
Narigi dunyoda uni adashib do'zaxga tushirib qo'yishibdi.
Farishtalar uni oldiga kelib, hijolat bo'lib debdi:
— Kechirasiz, biz sizni adashib do'zaxga tushirib qo'yibmiz. Sizni joyingiz aslida jannatda ekan, biz bilan yuring jannatga o'tkazib qo'yamiz. O'sha erda yana dars berib yuraverasiz...
Onaxon shoshib debdi:
— 40 yil o'qituvchi bo'lgandan, do'zaxda yashagan yaxshiroq ekan. Menga shu joy ham bo'laveradi!

Bir kuni Afandi do'kondan bonusli Soca-cola sotib olibdi. Qopqog'ini ochib qarasa, "Yana urinib ko'ring" degan yozuv chiqibdi. Shunda afandi qopqoqni qaytadan yopib-ochayotganmush.

O'zbek, qirg'iz va qozoq yigitlar Rossiyaga ishlagani borishibdi.
Ish beruvchilar ularga kunlik norma belgilashibdi. 1 kunda 100 ta daraxt arralashni topshirishibdi va qo'llariga benzopila berishibdi..
O'zbek va qirg'iz yigit normani bajarib bo'lib, ketayotishsa qozoq erda holdan toyib yotgan ekan.
O'zbek bilan qirg'iz yigit unga yordam bermoqchi bo'lib benzopilani yoqishsa, qozoqni ko'zi ochilib ketibdi. O'rnidan sakrab turib:
— Ie, bu arrani tishi aylanarmidi??? - dermish.

<< < 788 789 790 791 792 793 794 > >>

Tavsiya qilamiz

Bosh sahifa